Ganpati Festival Recipe : गणरायाला सर्वात प्रिय असा पंचकजाया, झटपट बनेल !

Ganpati Festival Recipe : सध्या गणेशोत्सवाचा काळ सुरु आहे. सर्वत्र भक्तीमय असे वातावरण झाले असून गणेशाचा जयजयकार सुरु आहे. या काळात गणपतीची मनोभावे पूजा केली जाते व त्याची कृपादृष्टी आपल्या सर्वांना राहू देत अशी प्रार्थना केली जाते.

गणपतीला मोदक- लाडू व गोडाचा नैवेद्य ठेवला जातो पण त्याच बरोबर गणेशाला पंचकजायाचा देखील प्रसाद ठेवला जातो. पंचा हा संस्कृत शब्द आहे. पंचकजाया हा सगळ्या टेस्टी व पाच पदार्थांपासून बनवलेला पदार्थ आहे.

पंचकजाया हा पदार्थ विशेषत: गणपतीच्या काळात बनवला जातो व असे मानले जाते हा गणपतीचा सर्वात प्रिय असा पदार्थ आहे. त्याला गोड पोहे किंवा पंचकजाया म्हणून ओळखले जाते. जाणून घेऊया त्याची रेसिपी.

साहित्य -

काजूचे तुकडे - १/२ वाटी

बदामाचे काप - १/२ वाटी

मणुके - १/२ वाटी

किसलेले ओले खोबरे - १ वाटी

गुळ - १ वाटी

पोहे - २ वाटी

तूप - २ ते ३ चमचे

वेलची पूड

कृती -

१. सर्वप्रथम पोहे चाळून घ्या. त्यानंतर गॅसवर पातेले ठेवून त्यात गूळ व अर्धा कप पाणी (Water) घाला. मंद आचेवर उकळून द्या.

२. दुसरीकडे पॅन ठेवून त्यात १/२ चमचा तूप घालून मंद आचेवर खोबरे (Coconut) भाजून घ्या व ते थंड होण्यास ठेवा.

३. पुन्हा पॅनमध्ये तूप घालून बदाम, काजू व मणुके परतवून घ्या. हे ड्रायफ्रुट्स भाजलेल्या खोबऱ्यात घाला. तयार झालेले गुळाचे पाक गाळून घ्या.

४. गुळाच्या पाकाला पुन्हा गॅसवर घेऊन त्यात वेलची पूड घाला व चांगले मिक्स करा. १ मिनिट उकळवून घ्या. त्याचे एकतारी पाक तयार झाल्यानंतर गॅसवरून खाली उतरवा व थंड होण्यास ठेवा.

५. गुळाचे पाणी कोमट झाल्यानंतर त्यात पोहे, खोबरे व ड्रायफ्रुट्सचे मिश्रण घालून चांगले एकजीव करा व प्रसादात ठेवा पंचकजाया.