मुंबई : सुकामेवा खाणे आरोग्यासाठी फायदेशीर मानले जाते. त्यात केवळ जीवनसत्त्वे किंवा खनिजेच नाहीत तर ओमेगा-३ फॅटी अॅसिडही असतात.
हे देखील पहा -
सुक्या मेव्याचे सेवन केल्याने कोलेस्ट्रॉल कमी करण्यास मदत करत नाही तर अनियमित हृदयाचे ठोके सुधारण्यास व हृदयविकाराचा झटका टाळण्यास मदत करते. तसेच याचे सेवन केल्याने रक्तातील साखरेची पातळी नियंत्रणात ठेवण्यास मदत करते. सुकामेवा खाण्याचे फायदे अनेक असले तरी त्याचे योग्य सेवन करणे अधिक गरजेचे आहे. याचे सेवन केल्याने पचनसंस्था सुरळीत होते. त्याचे सेवन केल्यास फायदा कसा होतो हे जाणून घेऊया.
१. दिवसाच्या सुरुवातीला भिजवलेला सुकामेवा खाल्ल्याने आपल्या दिवसाची सुरुवात चांगल्या पध्दतीने होते. सुकामेवा भिजवल्यानंतर त्यात असणारे लोह, प्रथिने, कॅल्शियम आणि जस्त यांसारखी आवश्यक खनिजे शरीराद्वारे चांगल्या प्रकारे शोषली जातात. त्यात फायबर जास्त असते. हे तंतू आपल्या शरीरातील चांगल्या जीवाणूंची संख्या वाढवून आपल्या पचनसंस्थेच्या सामान्य आरोग्यास (Health) मदत करतात.
२. आपण सकाळी उठल्यानंतर आपल्याला काही खाण्याचा सल्ला दिला जातो. जे आपल्या शरीरातील ऊर्जेची पातळी वाढवण्यासाठी मदत करते. अशावेळी आपण भिजवलेला सुकामेवा खाणे फायदेशीर ठरू शकते तसेच, आपल्या हार्मोनल आरोग्यासाठी फायदेशीर (Benefits) आहे.
३. आरोग्यदायी पदार्थांचे सेवन करुन वजन कमी करायचे असेल तर आपण सकाळी उठल्यानंतर भिजवलेला सुकामेवा खाऊ शकतो. यामध्ये आपण सर्वात आधी काजू खाण्याचा विचार करावा. यामुळे आपले वजन कमी होण्यास मदत होईल.
४. मधुमेहींनीही दिवसाच्या सुरुवातीला भिजवलेले काजू खावेत. सुक्यामेव्यात रक्तातील साखरेची पातळी नियंत्रित करण्याची क्षमता असते यासाठी मधुमेहाच्या रुग्णांसाठी ते विशेषतः फायदेशीर असतात. मधुमेहामुळे व्यक्तीला हृदयविकार होण्याची शक्यताही वाढते. पण जर आपण रोज सकाळी भिजवलेला सुकामेवा खाण्यास सुरुवात केली तर हृदयाचे आरोग्यही खूप सुधारेल.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Edited By - Komal Damudre
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
