मायग्रेनच्या दुखण्याने त्रस्त आहात, तर असा मिळवा आराम

मायग्रेनचा त्रास होत असेल तर ह्या टिप्स फॉलो करा.
मायग्रेनच्या दुखण्याने त्रस्त आहात, तर असा मिळवा आराम
Migraine tips in marathi ब्युरो रिपोर्ट, साम टीव्ही, मुंबई

मुंबई : मायग्रेन हा डोकेदुखीचा एक भाग आहे. हा त्रास डोक्याच्या एका बाजूला होतो आणि त्या वेळी उलट्या, मळमळ आणि चक्कर येते. काहीवेळा हा त्रास दिवसभर राहतो, त्यामुळे आपल्याला काम करावेसे वाटत नाही. काहीवेळेस या दुखण्यापासून सुटका मिळवण्यासाठी आपण त्यावर औषधे घेतो, परंतु औषधांचे वारंवार सेवन करणे शरीरासाठी देखील चांगले नाही. यावर काही टिप्स अवलंबून मायग्रेनचे दुखणे कमी करू शकतात.

हे देखील पहा -

मायग्रेनची लक्षणे -

हल्ली मायग्रेनची समस्या लहान मुले, किशोरवयीन, तरुण आणि प्रौढ यांच्यात अधिक प्रमाणात दिसून येत आहे. जर आपले अर्धे डोके दुखत असेल आणि ही समस्या वारंवार होत असेल, तर हा मायग्रेनचा त्रास असू शकतो. अशावेळी मळमळ, उलटी होणे, बोलताना त्रास होणे, दृष्टी कमी होणे, डोक्यात तीव्र वेदना होणे यांसारखी लक्षणे दिसू लागतात.

मायग्रेनच्या दुखण्यापासून आराम मिळवण्यासाठी टिप्स

१. जेव्हा मायग्रेनचा त्रास (Pain) होतो तेव्हा आपल्यातला आवाज आणि डोळ्यातल्या (Eye) प्रकाशाची संवेदनशीलता वाढू लागते. त्यामुळे डोकेदुखी आणखी तीव्र होते. अशावेळी एकांतात राहा. ज्या ठिकाणी शांतता किंवा प्रकाश नसेल अशा खोलीत दोन ते तीन तास बसून रहा. थोडा वेळ झोपण्याचा प्रयत्न करा, ज्यामुळे वेदना कमी होण्याचा प्रयत्न होईल.

Migraine tips in marathi
Mother's Day Special : आईसोबत तुमचे नाते असे घट्ट करा..!

२. मायग्रेनचा त्रास वाढू लागला की, डोक्याला हलक्या हाताने मसाज करावा.

३. अशावेळी कपाळावर आणि मानेच्या मागील बाजूस गरम किंवा थंड (Cold) कॉम्प्रेस लावा. थंड कॉम्प्रेसमुळे शरीराच्या त्या भागाला सुन्नपणाची भावना येईल आणि गरम कॉम्प्रेस तणावग्रस्त स्नायूंना आराम करण्यास मदत करेल.

४. उन्हाळ्यात मायग्रेनचा त्रास अधिक वाढतो. अशा परिस्थितीत शरीराला थंड आणि हायड्रेट ठेवण्यासाठी पुरेसे पाणी प्या. जर तुम्हाला डिहायड्रेशनचा त्रास असेल, तर तुमचा मायग्रेनचा त्रासही वाढू शकतो. पाण्याबरोबरच फळांचा रस, नारळपाणी, लिंबूपाणी, लस्सी, ताक व भाज्यांचे रस भरपूर प्या.

५. दररोज मेडिटेशन करा, त्यामुळे मायग्रेनचा त्रास व डोकेदुखी टळते. त्यामुळे मेंदूला आराम मिळतो. कधीकधी जास्त तणावाखाली राहिल्याने देखील मायग्रेनचा त्रास होतो. त्यामुळे मेडिटेशन करा.

डिस्क्लेमर: हा लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.