चुकीच्या आहारामुळे होऊ शकतात आपली हाडे कमजोर!

वयोमानानुसार आपल्याला अनेक आरोग्याच्या तक्रारींना सामोरे जावे लागते.
चुकीच्या आहारामुळे होऊ शकतात आपली हाडे कमजोर!
Bones problem, Health issue, healthy eating habitsब्युरो रिपोर्ट, साम टीव्ही, मुंबई

मुंबई : वयोमानानुसार आपल्याला अनेक आरोग्याच्या तक्रारींना सामोरे जावे लागते. खाण्यापिण्याच्या चुकीच्या सवयी, ताणतणाव, जीवनसत्त्व व कॅल्शियमच्या कमतरतेमुळे आपली हाडे कमकुवत होऊ लागतात. (healthy eating habits)

हे देखील पहा -

आपल्यापैकी बऱ्याच लोकांना जंक फूड खाण्याची सवय असते. त्यामुळे आपल्याला योग्य प्रमाणात जीवनसत्त्व मिळत नाही. मजबूत हाडांसाठी कॅल्शियम आणि व्हिटॅमिन डी समृद्ध असणाऱ्या अन्नपदार्थांचा आहारात समावेश करायला पाहिजे. शरीराला योग्य प्रमाणात कॅल्शियम न मिळाल्यामुळे आपल्याला कंबरदुखी, पाठदुखी व गुडघेदुखीच्या इतर समस्यांना सामोरे जावे लागते. त्या व्यतिरिक्त आपल्याला आहारात काही पदार्थांचे सेवन अधिक प्रमाणात झाल्याने हाडे कमकुवत होतात.

१. दूध (Milk) हा कॅल्शियमचा उत्तम स्रोत मानला जातो परंतु, आपल्यापैकी बऱ्याच लोकांना दूध हे नुसते प्यायला आवडते. त्यात कोणतेही पदार्थ न घातल्यामुळे त्याचे शरीराला फायदे मिळत नाही. तसेच दूधात असणारे कॅल्शियम आणि इतर पोषक तत्व शरीरातून बाहेर पडतात व हाडे कमकुवत होतात. दुधाची चव वाढविण्यासाठी आपण काही औषधी वनस्पती जसे की तुळस, वेलची आणि हळद इत्यादी घालू शकता. ज्यामुळे आपली हाडे मजबूत होतील.

Bones problem, Health issue, healthy eating habits
आंतरराष्ट्रीय योग दिवस २०२२: जाणून घ्या, योग केल्याने आरोग्याला कसा फायदा होतो

२. शरीरात मीठाचे प्रमाण अधिक झाल्यास देखील हाडे कमकुवत होतात त्यामुळे आपल्याला आहारात मीठाचे प्रमाण हे कमी असायला हवे. शरीरात मीठाचे प्रमाण वाढल्यामुळे शरीरातील कॅल्शियम कमी होते त्यामुळे आपल्या आहारात पाच ते दहा ग्रॅमपेक्षा जास्त मीठाचे प्रमाण असू नये.

३. कोल्ड्रिंक्सचे अतिप्रमाणात सेवन केल्यास त्याच्या हाडांवर विपरीत परिणाम होतो व हाडे ठिसूळ होतात. कोल्ड्रिंकमध्ये सोडा व फॉस्फरसचे प्रमाण अधिक असते. फॉस्फरस हाडांमधली कॅल्शियमचे व मॅग्नेशियमचे शोषण करते. त्यामुळे आपली हाडे कमकुवत होतात.

४. थकवा व झोप उडवण्यासाठी आपल्यापैकी बरेच जण कॉफीचे (Coffee) सेवन अतिप्रमाणात करतात. त्यामुळे आपल्या हाडांना इजा होऊ शकते. आपण दिवसातून ४ ते ५ कप कॉफीचे सेवन करत असू तर निश्चितच हाडांमध्ये कॅल्शियमची क्षमता कमी करते. त्यामुळे हाडे ठिसूळ होतात. त्यासाठी चहा आणि कॉफीचे सेवन मर्यादित प्रमाणात करा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com