Cooking On Gas : गॅसवर स्वयंपाक करणे आरोग्यासाठी धोकादायक ? जाणून घ्या तज्ज्ञांचे मत

Cooking On Gas : एका संशोधनात असे आढळून आले आहे की, गॅस स्टोव्हमुळे घराबाहेरील प्रदूषणापेक्षा जास्त प्रदूषण घरात निर्माण होते. याचा सर्वात जास्त धोका कोणाला असेल तर ते लहान मुले आणि वृद्ध लोक.

प्रदूषित शहरात राहण्यापेक्षा गॅसवर (Gas) स्वयंपाक करणे जास्त धोकादायक आहे का? बहुतेक घरांमध्ये गॅसवर अन्न शिजवले जाते. मात्र, एका नवीन संशोधनानुसार, प्रदूषित शहरात राहण्यापेक्षा गॅसवर स्वयंपाक करणे तुमच्या आरोग्यासाठी (Health) जास्त धोकादायक आहे. बहुतेक व्यावसायिकांप्रमाणे, टीव्ही शेफ इलेक्ट्रिक स्टोव्हऐवजी गॅस स्टोव्हवर स्वयंपाक करण्यास प्राधान्य देतात.

शास्त्रज्ञांचे म्हणणे आहे की असे केल्याने नायट्रोजन डायऑक्साइड आणि पार्टिक्युलेट मॅटर (प्रदूषणात आढळणारे धोकादायक विष) तयार होत आहेत. त्यामुळे आरोग्याचे मोठे नुकसान होत आहे. हे केवळ फुफ्फुसासाठी अनेक समस्या निर्माण करत नाहीत तर रक्तप्रवाहात देखील आढळू शकतात. यामुळे हृदयविकार, कर्करोग आणि अल्झायमरसारखे धोकादायक आजार होण्याचा धोका असतो.

इंडिपेंडंटच्या रिपोर्टनुसार, एका संशोधनात असे आढळून आले आहे की, गॅस स्टोव्हमुळे घराबाहेरील प्रदूषणापेक्षा जास्त प्रदूषण होते. याचा सर्वात जास्त धोका कोणाला असेल तर ते लहान मुले आणि वृद्ध लोक.

दुसर्‍या अभ्यासानुसार, यूएसमध्ये बालपणातील दम्याच्या 8 पैकी 1 प्रकरण गॅस कुकरच्या वापरामुळे उद्भवते. इंपीरियल कॉलेज लंडनचे प्रोफेसर फ्रँक केली म्हणाले की घरातील वायू प्रदूषणाचा मुख्य स्त्रोत गॅस कुकर आहे. यामुळे दमा आणि इतर आरोग्य समस्या वाढू शकतात.

छोट्या घरांची परिस्थिती बिकट आहे -

एका अभ्यासात असे आढळून आले आहे की गॅस स्टोव्ह वापरणारे दक्षिणी कॅलिफोर्नियाचे नागरिक नियमितपणे नायट्रोजन डायऑक्साइड आणि फॉर्मल्डिहाइडच्या उच्च पातळीच्या संपर्कात असतात, जे बाहेरील प्रदूषणासाठी यूएस अधिकाऱ्यांनी निर्धारित केलेल्या सुरक्षा मर्यादा ओलांडतात.

चांगल्या वेंटिलेशन नसलेल्या छोट्या घरांमध्ये ही समस्या आणखीनच गंभीर आहे. कोपनहेगन विद्यापीठाचे प्रोफेसर स्टीफन लोफ्ट म्हणाले की, प्रदूषित शहरात राहण्यापेक्षा गॅस स्टोव्हला जोडणे अधिक धोकादायक आहे.