मुंबई : घराची साफसफाई (Cleaning) करताना बऱ्याचदा आपण जुन्या वस्तू फेकून देतो आणि त्या जागी नवीन वस्तू आणतो. अनेकदा आपण गोष्टी जुन्या समजून फेकून देतो. या वस्तूंचा घरात काहीही उपयोग होत नाही आणि त्या अनावश्यकपणे घरात जमा होतात. पण त्या जुन्या, निरुपयोगी वाटणाऱ्या वस्तूंचा नवीन पद्धतीने आपण वापर करू शकतो. थोडा विचार करून आपण त्या वस्तूंना क्रिएटिव्ह बनवू शकतो आणि घरातील त्याचा उपयोग करू शकता. चला तर मग जाणून घेऊया घरात पडलेल्या कोणत्या गोष्टी नवीन पद्धतीने वापरता येतील.
हे देखील पहा -
घरात पडलेल्या निरुपयोगी वस्तूंचा असा वापर करा.
१. अंड्याच्या डब्यात अंडी विकत घेतली असतील तर तो पुठ्ठा फेकून न देता त्याचा वापर करुन आपल्याला डास आणि किडे दूर करता येतील. एवढेच नाही तर त्यावर पेंटिंग करून आपण सुंदर वॉल हँगिंग देखील बनवू शकतो. तसेच त्याच्या मदतीने पक्ष्यांसाठी धान्य ठेवण्यासाठी जागा बनवू शकतो आणि आपण ते ओले करून लागवड करताना देखील वापरू शकतो.
२. घरातील फ्यूज झालेला बल्बचा वापर करुन तेलाचे सुंदर दिवे, हँगिंग प्लांटर्स इत्यादी बनवू शकतो. तसेच या बल्बमध्ये दिवाळीचे छोटे दिवे लावून तुम्ही डेकोरेटरही करु शकता. अशा प्रकारे, ते आपल्या घराच्या सौंदर्यात भर घालू शकते.
३. आपल्या घरात दर काही दिवसांनी प्लास्टिकच्या बाटल्या जमा होतात ज्या आपण फेकून देतो पण त्यापासून सुंदर ऑर्गनायझर किंवा डेकोरेटर बनवू शकतो, तर घरातील इतर छोट्या-मोठ्या गोष्टी आपण अगदी सहज ठेवण्यास मदत होईल.
४. दर तीन महिन्यांनी टूथब्रश बदलत असाल तर ते फेकून देण्याऐवजी घरात क्लिनर म्हणून वापरू शकता. घराच्या स्वच्छतेसाठी या टूथब्रशचा खूप उपयोग होऊ शकतो. विशेषत: कीबोर्ड, दागिने (Gold), सिंक, बेसिन आदी गोष्टींसाठी होईल.
५. आपण वर्तमानपत्रांना (Newspaper) एक दिवसानंतरच जुने समजू लागतो, परंतु आपण ते बऱ्याच गोष्टींसाठी वापरू शकता. स्वयंपाकघरातील शेल्फवर चटईवर तसेच त्याने आरसादेखील स्वच्छ करू शकता आणि पॅकिंगमध्येही ते अगदी सहज वापरू शकता.
अशाप्रकारे घरातील जुन्या वस्तूंचा वापर आपण करू शकतो.
Edited By - Komal Damudre
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.