Fashion Tips : आजकल महिलांमध्ये हिल्स घालण्याचा ट्रेण्ड मोठ्या प्रमाणावर पाहायला मिळतो. लग्न समारंभ, पार्टी, ऑफिस, डिनर अथवा शॉपिंग प्रत्येक मोठ्या समारंभाला किंवा दैनंदिन जीवनशैलीत हिल्स या चप्पलांना महिला सहजरीत्या कॅरी करतात. मात्र, हेच हिल्स अधिक वेळ घालून चालले तर पायांना सूज किंवा दुखण्यास सुरुवात होते.अशा वेळी हिल्स न घातलेलेच बरे असे वाटते.
परंतु, आपला संपूर्ण लूक पूर्ण करण्यासाठी फुटवेयर मदतगार ठरतात. मुलींसाठी प्रत्येक ड्रेसवर शोभणारे फुटवेयर मार्केटमध्ये उपलब्ध आहेत. चप्पल, बूट, हिल्स अशा व अनेक प्रकारचे फूटवेयर मार्केटमध्ये सहज उपलब्ध आहेत. याने लूक तर पूर्ण होतोच यासह महिला स्टायलिश आणि कॉन्फिडन्ट दिसतात. कमी उंचीच्या मुली अधिकतर हिल्सचा वापर करतात. परंतु, गरजेचं नाही की हिल्सने आपली उंची दिसून येईल. जर आपल्याला उंच आणि कॉन्फिडन्ट दिसायचं असेल, तर काही टिप्स आणि ट्रिक्स फॉलो करा.
1. योग्य प्रिंटचे कपडे निवडणे
मोठ्या किंवा आडव्या प्रिंट असलेले कपडे घातले तर उंची कमी दिसते. उंच दिसण्यासाठी, लांब पट्टेदार प्रिंट असलेले पोशाख परिधान करा. जर तुम्ही सूट घालत असाल तर प्रिंटेड कुर्ता किंवा कमीजसोबत साधी पँट घालू शकता. याने तुमची कमी उंची दिसून नाही येणार.
2. फॅब्रिकची लांबी
उंच दिसण्यासाठी कपड्यांची लांबीही महत्त्वाची असते. जर तुमची उंची कमी असेल, तर कुर्त्याची लांबी गुडघ्यापासून थोडी खाली असावी. जर गुडघ्याच्या वर असेल तर, उंची कमी दिसते.
3. फुल स्लीव्स
कमी उंचीच्या मुलींनी लांब स्लीव्सचे किंवा अर्ध स्लीव्स असलेले कपडे परिधान करावे. उंच दिसण्यासाठी,फुल स्लीव्सचे ड्रेस परिधान करा.मात्र, पफ स्लीव्हज असलेले कपडे घालणे टाळा.
4. रंगाकडे विशेष लक्ष द्या
जर तुमची हाईट कमी आणि वजन जास्ती असेल तर काळ्या रंगाचे कपडे परिधान करावे.गडद निळा, मरून फॅब्रिक, किंवा इतर गडद रंग निवडून तुम्ही उंच दिसू शकता. याने आपण सुंदर आणि उठून दिसाल.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.