What is better CV or resume : खाजगी क्षेत्रात नोकरी मिळवायची असेल तर सर्वात महत्त्वाचा असतो तो सीव्ही आणि रेझ्युमे. याशिवाय कोणत्याही कंपनीत नोकरी मिळवणे अशक्य असते. यामागचे कारण असे की सीव्ही आणि रेझ्युमे दोन्ही नोकरी क्षेत्रात उमेदवाराचा महत्त्वाचा चेहरा असतात.
दोन्ही गोष्टी व्यायसायिक डॉक्यूमेंट्स असून यांच्या आधारेच उमेदवाराला निवडले जाते. पण बऱ्याचदा काही कंपन्या सीव्ही तर काही कंपन्या रेझ्युमे मागतात. असे का? हा प्रश्न कधी तुम्हाला पडला आहे का? तुम्ही देखील या दोन्ही गोष्टींना एक समजून चुक करत नाही आहात ना?
खरंतर, सीव्ही आणि रेझ्युमे दोन्ही वेगवेगळ्या गोष्टी आहेत आज आपण या दोघांमधला नेमका काय फरक आहे ते पाहाणार आहोत. असे अनेक लोकं आहेत जे सीव्ही आणि रेझ्युमेला एकच समजतात. चला जाणून घेऊयात यांतील फरक
1. सीव्ही (Curriculum Vitae)
सीव्ही म्हणजे कर्रक्यूलम वीटा. हा एक असा डॉक्यूमेंट आहे जो आपल्या शैक्षणिक (Education) आणि व्यावसायिक करिअरचा ओव्हरव्हूव देतो. पण सीव्हीमध्ये शैक्षणिक माहिती जरा जास्त सखोल दिलेली असते. सीव्ही अनेकदा फ्रेशर्सकडून मागितली जाते आणि यातील माहीती ही 4 पानांपर्यंत असू शकते.
तसेच यामध्ये तुम्ही काय शिक्षण घेतले आहे याबाबत संपूर्ण माहीती दिलेली असते. एकूणच सीव्ही पूर्णपणे तुमच्या शैक्षणिक गोष्टींवर आधारित असते. सीव्हीची सुरुवात नाव आणि शैक्षणिक पार्श्वभूमीपासून होते. 'कर्रक्यूलम वीटा' एक लॅटीन शब्द आहे ज्याला शॉर्ट फॉर्मंध्ये सीव्ही म्हटले जाते. ज्याचा इंग्रजी अर्थ 'कोर्स ऑफ लाइफ' असा होतो.
2. रेझ्युमे (Resume)
रेझ्युमे सीव्हीच्या उलट तुमच्या कामाचा अनुभव, कौशल्य आणि कामासंबंधित असलेली माहिती यांच्यावर आधारित असते. रेझ्युमेमध्ये शैक्षणिक क्षेत्रावर कमी भर दिलेला असतो. त्याचबरोबर यामध्ये वेतनाबद्दल देखील लिहिले जाते. रेझ्युमे हा 1 ते 2 पानांचा असतो. यामध्ये फक्त महत्त्वाच्या गोष्टीच नमूद केलेल्या असतात. त्याच बरोबर यात जॉब-अवॉर्ड्स आणि अचिव्हमेंट्स बद्दल ही माहिती दिलेली असते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.