Netflix India Income Tax : Netflixला भारतात स्ट्रीमिंगसाठी भरावा लागणार कर, ग्राहकांना मोजावे लागणार Subscription साठी अधिक पैसे ?

Netflix India Income Tax : इकॉनॉमिक टाईम्सच्या अहवालानुसार, भारतातत नेटफ्लिक्सद्वारे मिळणाऱ्या उत्पन्नावर कर लावण्यासाठी पावले उचलत आहे.

अहवालात असे नमूद केले आहे की एका 2021-22 मसुद्याच्या आदेशात, कर अधिकाऱ्यांनी Netflix च्या भारतीय (Indian) स्थायी आस्थापने (PE) ची 2021-22 च्या मूल्यांकन वर्षात सुमारे रु 55.25 कोटी ($6.73 दशलक्ष) उत्पन्न असल्याचा दावा केला आहे.

कर अधिकार्‍यांनी असा युक्तिवाद केला की यूएस फर्मकडे तिच्या स्ट्रीमिंग सेवांना समर्थन देण्यासाठी भारतातील मूळ घटकाकडून काही कर्मचारी (Workers) आणि पायाभूत सुविधा आहेत, ज्यामुळे PE आणि कर दायित्व होते.

या प्रकरणाशी परिचित असलेल्या सूत्रांनी ET ला सांगितले की, भारत ग्राहकांना इलेक्ट्रॉनिक (Electronic) कॉमर्स सेवा पुरवणाऱ्या विदेशी डिजिटल कंपन्यांवर कर लावण्याची ही पहिलीच घटना आहे. यामुळे भारतात कायमस्वरूपी अस्तित्वाची स्थापना झाली आहे, ज्यामुळे करांचे दायित्व निर्माण होते.

हे पाऊल डिजिटल अर्थव्यवस्थेचे नियमन करण्यासाठी आणि परदेशी कंपन्या देशात कमावलेल्या कमाईवर कर भरतील याची खात्री करण्याच्या भारताच्या प्रयत्नांचा एक भाग आहे. इलेक्ट्रॉनिक कॉमर्स सेवा पुरवणाऱ्या परदेशी डिजिटल कंपन्यांवर भारत पहिल्यांदाच कर आकारणार आहे.

Netflix विरुद्धची ही कारवाई इतर परदेशी डिजिटल कंपन्यांच्या भविष्यातील कर आकारणीसाठी चाचणी केस म्हणून पाहिली जाऊ शकते. रॉयटर्सने या विषयावर नेटफ्लिक्सकडून टिप्पणी मागितली असता, उत्तर सापडले नाही.

डिस्क्लेमर : सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.