मुंबई : आपल्या प्रत्येकाच्या घरात तुरटी ही साधारणपणे आढळते. दाढी केल्यानंतर आपल्या घरातील पुरुष मंडळी तिचा वापर चेहऱ्याला लावण्यास करतात.
हे देखील पहा -
तुरटीला आयुर्वेदातही महत्त्व आहे. पाणी शुध्द करण्यापासून ते आपल्याला शरीरातील जखम भरण्यासाठी तुरटीचा उपयोग होतो. तुरटीत अनेक अँटिसेप्टिक गुण आहेत. तुरटीला ऍलमला, पोटॅशियम ऍलम, पोटॅश ऍलम वा पोटॅशियम एल्युमिनियम सल्फेटही म्हटले जाते. दिसायला पांढरी शुभ्र अगदी साखरेसारखी असते पण थोडी रखरखीतही असते. चवीला नावाप्रमाणेच तुरट असते. त्वचेच्या अनेक आरोग्यासाठी तुरटाचा फायदा कसा होतो हे जाणून घेऊया.
तुरटीचे फायदे -
१. शरीरातील रक्ताभिसरणाची पातळी व्यवस्थितरित्या करण्यासाठी अंघोळीच्या पाण्यात तुरटीचा काही भाग व सैंधव मीठ टाकून अंघोळ केल्यास फायदा होतो.
२. शरीराला जखम झाल्यास किंवा त्या जागेतून रक्त न थांबल्यास त्या जागेवर तुरटी लावल्यास रक्तस्त्राव थांबण्यास मदत होते.
३. चेहऱ्यावर (Skin) मुरुमे किंवा डाग येत असतील तर त्यावर तुरटी चोळावी. यामुळे मुरुमांची समस्या कमी होण्यास मदत होते. तसेच त्वचेवरील तेलकटपणा दूर होण्यास मदत होते.
४. बहुतेक महिलांच्या (Womens) टाचांना भेगा पडतात अशावेळी तुरटी गरम करुन त्याचे तयार होणारा फेस त्या जागी लावल्यास आराम मिळेल. असे नियमित केल्यास टाचा भरून निघण्यास मदत होईल.
५. तोंडाची दुर्गंधी येत असल्यास किंवा त्यातील जिवाणूंचा नाश करण्यासाठी तुरटीला गरम पाण्यात पाच मिनिटे सोडा. नंतर या कोमट पाण्याने चूळ भरल्यास फायदा होईल.
६. पावसाळ्यात पायांच्या नखांमध्ये घाण साचून तो दुखू लागतो अशावेळी तुरटी व हळदी गरम करुन त्या भागी लावल्यास आराम मिळेल.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Edited By - Komal Damudre
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.