मुंबई : आंतरराष्ट्रीय हिपॅटायटीस दिवस दरवर्षी २८ जुलै रोजी साजरा केला जातो. लहान मुलांना हिपॅटायटीसचा मोठ्या प्रमाणात त्रास होतो, त्यामुळे त्यापासून त्यांचे संरक्षण करणे अत्यंत गरजेचे आहे.
हे देखील पहा -
या जागतिक हिपॅटायटीस दिनानिमित्त, या धोकादायक आजाराविषयी जागरुक राहण्यासाठी आणि आपल्या मुलांसह संपूर्ण कुटुंबाला या आजारापासून वाचवण्यासाठी आपल्याला आवश्यक ती पावले उचलणे गरजेचे आहे. मुलांमध्ये हिपॅटायटीसची लक्षणे कोणती आहेत आणि त्यापासून मुलांचे संरक्षण कसे करावे याविषयी आपण जाणून घेऊया. रोग नियंत्रण आणि प्रतिबंध केंद्रांनुसार, दरवर्षी अनेक मुले हिपॅटायटीसची शिकार होतात. हिपॅटायटीस हा भारतातच नाही तर अमेरिकेसारख्या मोठ्या देशात लहान मुलांमध्ये आढळणारा मोठा आजार आहे. हिपॅटायटीस हा मुलांमधील सामान्य आजार नाही आणि जागतिक आरोग्य संघटनेच्या म्हणण्यानुसार, १ महिन्यापासून १६ वर्षे वयोगटातील मुले या आजाराने ग्रस्त आहेत.
हिपॅटायटीस काय आहे ?
यकृतातील जळजळ याला हिपॅटायटीस म्हणतात. हिपॅटायटीस जास्त मद्यपान, विषारी पदार्थ, काही औषधे आणि काही वैद्यकीय परिस्थितींमुळे होऊ शकतो. व्हायरस हे हिपॅटायटीसचे एक सामान्य कारण आहेत. हिपॅटायटीस ए, हिपॅटायटीस बी आणि हिपॅटायटीस सी लोकांना सर्वात सामान्यपणे ज्ञात आहेत. व्हायरल हिपॅटायटीस हा आजारी व्यक्तीच्या शारीरिक द्रव किंवा रक्ताद्वारे पसरतो. तथापि, मुलांमध्ये हिपॅटायटीसचे कोणतेही स्पष्ट कारण आढळले नाही.
आज जागतिक हिपॅटायटीस दिनानिमित्त आम्ही तुम्हाला हा आजार (Disease) लहान मुलांमध्ये का होतो, त्यात कोणती लक्षणे दिसतात आणि मुलांमध्ये हिपॅटायटीसचा उपचार कसा करावा हे सांगत आहोत. यासोबतच मुलांमध्ये हिपॅटायटीस टाळण्यासाठी कोणते उपाय केले जाऊ शकतात हे तुम्ही येथे जाणून घेऊ शकता.
हिपॅटायटीसची सुरुवातीची लक्षणे अस्पष्ट असतात. त्याची लक्षणे मळमळ, उलट्या, ताप, भूक न लागणे या पध्दतीने सुरुवात होते. हिपॅटायटीस जसजसा वाढत जातो तसतसे त्याच्या लक्षणांमध्ये गडद लघवी आणि हलक्या रंगाचे मल यांचा समावेश होतो. त्याची सर्वात गंभीर लक्षणे म्हणजे कावीळ ज्यामध्ये डोळ्यांचा रंग पांढरा होतो आणि त्वचेचा रंग पिवळा होतो.
मुलांमध्ये हिपॅटायटीसची बहुतेक प्रकरणे हिपॅटायटीस ए, बी आणि सी व्हायरसमुळे होतात. इतर कारणांमध्ये सायटोमेगॅलव्हायरस, एपस्टाईन बार व्हायरस, हर्पस सिम्प्लेक्स व्हायरस यांचा समावेश होतो. जिवाणू संसर्ग, यकृताला इजा किंवा नुकसान, यकृताभोवती ओटीपोटात दुखापत होणे आणि रोगप्रतिकारक शक्ती यकृतावर हल्ला केल्यामुळे देखील हिपॅटायटीस होऊ शकतो.
हिपॅटायटीसचा उपचार मुलाची लक्षणे, वय आणि आरोग्य स्थिती यावर अवलंबून असतो. उपचार ही स्थिती किती गंभीर आहे आणि हिपॅटायटीस कशामुळे झाला यावर आधारित आहे. उपचारामध्ये मुलाच्या यकृताला होणारे नुकसान रोखणे आणि लक्षणे दूर करणे यांचा समावेश होतो. याशिवाय, खाज नियंत्रित करण्यासाठी विषाणूचा उपचार केला जातो. पुरेशी विश्रांती आणि सकस आहार घेणे देखील फायदेशीर आहे. रक्त तपासणी रोग प्रगती करत आहे की नाही हे दर्शविते.
हिपॅटायटीस ए आणि बी विरुद्ध लसीकरण करून मुलांना (Child) या गंभीर आजारापासून संरक्षण मिळू शकते. औषधाचा वापर, एखाद्याच्या वापरलेल्या सुईच्या इंजेक्शनमुळेही हा आजार होऊ शकतो.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Edited By - Komal Damudre
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
