Dudhi Bhopla Koshimbir : ऍसिडिटीवर आराम मिळवण्यासाठी फायदेशीर ठरेल दुधी भोपळ्याची कोशिंबीर, पाहा रेसिपी

Acidity Problem : पोटाच्या समस्येसाठी भोपळा फायदेशीर आहे. तसेच भोपळ्याची कोशिंबीर पचनासाठी चांगली आहे. त्यामुळे तुम्हाला ऍसिडिटीच्या समस्यापासून आराम मिळेल.

यामध्ये फायबर भरपूर प्रमाणात असते त्यामुळे भोपळ्याची कोशिंबीर पचनशक्ती मजबूत करते. म्हणून लवकरच उन्हाळा सुरू होणार आहे आणि भोपळ्याची कोशिंबीर खाण्यासाठी उन्हाळा ऋतू उत्तम आहे.

अशा परिस्थितीत तुम्ही पोटाशी (Stomach) संबंधित समस्या दूर करण्यासाठी तुमच्या आहारात भोपळ्याच्या कोशिंबीरचा समावेश करू शकता. भोपळ्याची कोशिंबीर बनवणे खूप सोपे आहे आणि काही मिनिटातच तयार होते. जर तुम्ही आजपर्यंत कधीच भोपळ्याची कोशिंबीर बनवली नसेल तर आज आम्ही तुम्हाला भोपळ्याची कोशिंबीर बनवण्याची पद्धत सांगणार आहोत जेणेकरून तुम्हाला ही रेसिपी बनवण्यास मदत मिळेल.

1. साहित्य

• लहान भोपळा – 1

• दही – 2 कप

• जिरे – ½ टीस्पून

• हिंग – 1 चिमूट

• हिरवी मिरची – 1

• कोथिंबीर – 1 चमचा

• देशी तूप – 1 चमचा

• मीठ चवीनुसार

कृती

• ही रेसिपी चवीने परिपूर्ण बनवण्यासाठी सर्वप्रथम भोपळा स्वच्छ पाण्याने धुऊन घ्या आणि नंतर भोपळ्यावरील साल काढून घ्या.

• यानंतर भोपळा किसून घ्या आता एका भांड्यात पाणी (Water) घालून मध्यम आचेवर पाणी गरम करून घ्या.

• पाणी गरम झाल्यावर त्यात किसलेला भोपळा टाकून सात ते आठ मिनिटे उकळवा. त्यानंतर गॅस बंद करा आणि एका भांड्यात किसलेल्या भोपळा बाहेर काढा.

• आता एका बाउलमध्ये दही घेऊन चमच्याने चांगले फेटून घ्या.

• यानंतर एका पातेल्यात एक चमचा देशी तूप टाकून गरम करा. आता तूप वितळल्यावरनंतर त्यात जिरे आणि हिंग घालून तडतडून घ्या.

• काही सेकंद तळल्यानंतर त्यात फेटलेली दही घाला. एक मिनिट दही शिजल्यानंतर त्यात उकडलेल्या भोपळ्याचा कीस घाला.

• नंतर त्यात हिरवे कोथिंबीर हिरव्या मिरच्या आणि चवीनुसार मीठ घालून मिक्स करून घ्या.

• हे रायते एक ते दोन मिनिटे शिजल्यानंतर गॅस बंद करा. ही तयार कोशिंबीर तुम्ही पराठ्यासोबत सर्व्ह करू शकता.