Travel Plan : काय सांगता! जूनमधल्या पावसात थंडगार बर्फाची मज्जा घ्यायचीय, या ठिकाणांना नक्कीच भेट द्या

Snowfall Places : भारतातील अनेक भागांमध्ये उष्णतेने कहर सुरूच आहे, परंतु देशाच्या काही भागात बर्फवृष्टी होत आहे. उन्हाळ्यात थंड भागात फिरणे हा एक वेगळाच अनुभव असतो. तुम्हाला जूनमध्ये बर्फ पहायचा आहे का, तर तुम्ही भारतातील या हिल स्टेशन्सचे नियोजन करावे.

भारतातील बहुतांश भागातील लोक उष्णतेमुळे (Heat) हैराण झाले आहेत आणि त्यातून आराम मिळवण्यासाठी अनेक थंड भागात प्रवास करतात. जूनमध्ये बर्फवृष्टी पाहणे विचित्र वाटत असले तरी भारतात अशी काही हिल स्टेशन्स (Stations) आहेत जिथे यावेळीही बर्फ पडतो. त्यांच्याबद्दल जाणून घ्या...

हिमाचल प्रदेश -

भारतात, हिमाचल हिल स्टेशन्सचा गड मानला जातो. हिमाचल (Himachal) सुंदर पर्वतांनी वेढलेले आहे आणि येथील नदीचे नैसर्गिक सौंदर्य, हिरवळ मनाला भुरळ घालते. वृत्तानुसार, हिमाचलच्या अनेक भागात बर्फवृष्टी होत आहे.

स्पिती व्हॅली -

हिमाचलची स्पिती व्हॅली हे एक अप्रतिम ठिकाण आहे. बर्फाने वेढलेल्या या ठिकाणाला बर्फाचे वाळवंट देखील म्हणतात. हिमालय पर्वतरांगांच्या मध्यभागी जाणारे वळणदार रस्ते हे ठिकाण वेगळे करतात. हिमवर्षावाचा आनंद लुटण्यासाठी परदेशी नागरिकही येथे येतात.

मनाली-लेह मार्ग -

हिमाचलचे मनाली हे पर्यटकांसाठी स्वर्गापेक्षा कमी नाही. वृत्तानुसार, मनाली-लेह रस्त्यावर सध्या बर्फवृष्टी होत आहे. हा मार्ग बाइक राइडसाठी प्रसिद्ध आहे आणि तिथून दिसणारे दृश्य मन मोहून टाकणारे आहे.

गुलमर्ग, काश्मीर -

भारताचे नंदनवन असलेल्या काश्मीरमध्ये नैसर्गिक सौंदर्याचे एक अनोखे विश्व आहे. काश्मीरमध्ये थंडी आहे, पण इथे गुलमर्ग हा एक असा भाग आहे जो बर्फाचा प्रदेश मानला जातो. जूनमध्ये बर्फाचा आनंद घ्यायचा असेल तर गुलमर्गच्या सहलीला जा.