While Eating Food Watching Television : जेवताना तुम्ही टीव्ही पाहतात, मग आधी 'हे' वाचाच !

जेवताना टीव्ही किंवा मोबाईल फोन पाहण्याची सवय असेल तर लगेच सावध व्हा.
While Eating Food Watching Television
While Eating Food Watching TelevisionSaam Tv

While Eating Food Watching Television : जेवताना टीव्ही किंवा मोबाईल फोन पाहण्याची सवय असेल तर लगेच सावध व्हा, कारण यामुळे आरोग्याला अनेक प्रकारची हानी होते. केवळ मोठ्यांनाच नाही तर लहान मुलांनाही ही सवय लागली तर त्याचे नकारात्मक परिणाम त्यांच्या शरीरावरही दिसून येतात.

एन्व्हायर्नमेंटल जनरल ऑफ हेल्थ या प्रतिष्ठित नियतकालिकेत मुलांच्या खाण्याच्या सवयींवर केलेल्या संशोधनात एक नवीन गोष्ट समोर आली आहे की, टीव्ही पाहताना जेवण करणाऱ्या १० वर्षांपर्यंतच्या मुलांमध्ये लठ्ठपणाचा (Obesity) धोका अनेक पटींनी वाढतो. दुपारचे किंवा रात्रीचे जेवण करताना कुटुंबाशी संवाद साधल्यास लठ्ठपणाचा धोका कमी होतो.

While Eating Food Watching Television
Survey : मुले सतत ऑनलाईन गेम्स खेळताय? पालकांनी अशाप्रकारे घ्यावी काळजी

वास्तविक माणसाच्या वाईट सवयी त्याला गंभीर आजारांकडे ढकलत आहेत. बहुतेक लोकांना लहानपणापासून जेवताना टीव्ही आणि मोबाईल (Mobile) फोन पाहण्याची सवय असते, ज्यामुळे त्यांना नंतर अनेक गंभीर समस्यांना सामोरे जावे लागते.

तुम्हालाही अशी सवय असेल, तर ती लगेच बंद करा. असे न केल्यास लठ्ठपणा, पोटाचा त्रास, कमकुवत डोळे इत्यादी समस्या होऊ शकतात. जेवताना टीव्ही पाहण्याची किंवा मोबाईल फोन वापरण्याची सवय असेल तर ती लगेच बंद करा. जाणून घेऊयात याचे धोकादायक परिणाम आपल्यावर काय होतात.

While Eating Food Watching Television
Child Care : भयंकरच ! पालकांनी मुलाला दिली रात्रभर टिव्ही पाहण्याची शिक्षा, पुढे जे झाले ते...

हृदयरोगाचा धोका -

टीव्ही किंवा मोबाईल फोन पाहताना अन्न खाल्ल्याने सर्व लक्ष स्क्रीनवर राहते, त्यामुळे शरीरातील चयापचय मंदावतो आणि नंतर चरबी जमा होऊ लागते. दुसरीकडे, व्यक्तीने किती खाल्ले आहे याची काळजी देखील घेत नाही, ज्यामुळे पुन्हा वजन वाढते.

जर तुम्हाला ही सवय बऱ्याच काळापासून असेल तर वजन वाढल्यामुळे तुम्हाला हृदय समस्या, टाइप २ मधुमेह, रक्तदाब इत्यादीसारखे अनेक गंभीर आजार होऊ शकतात.

पोटाच्या समस्या -

जेवताना, टीव्ही पाहण्यापेक्षा स्क्रीनकडे जास्त लक्ष असते, त्यामुळे तुम्ही अन्न पटकन खातात आणि ते पुरेशा प्रमाणात चघळत नाही.

अन्न नीट कापले जात नसल्याने अपचन, पोटात दुखणे आदी समस्या निर्माण होतात. जर तुम्हाला ही सवय खूप दिवसांपासून असेल तर त्यामुळे पोटाशी संबंधित आजारही होऊ शकतात.

वजन वाढू शकते -

एका संशोधनात असे समोर आले आहे की जेव्हा एखादी व्यक्ती टीव्ही पाहते आणि त्यात खाण्यापिण्याशी संबंधित जाहिरात येते, तेव्हा खाण्याची इच्छा तीव्र होते आणि थोड्याच वेळात त्याला भूक लागते. सतत काही ना काही खाल्ल्याने वजन वाढते आणि मग अनेक समस्या निर्माण होतात.

झोप खराब होईल -

रात्री जेवताना तुम्ही टीव्ही किंवा मोबाईल फोन पाहत असाल तर त्यामुळे तुमची झोप खराब होऊ शकते. वास्तविक, स्क्रीन पाहताना अनेक वेळा एखादी व्यक्ती मर्यादेपेक्षा जास्त अन्न खाते, त्यामुळे पोटात पचणे कठीण होते. अशा स्थितीत रात्रभर त्रास होतो आणि झोपेचा वारंवार त्रास होतो.

१० ते १२% मुले लठ्ठ असतात -

बायोमेड सेंट्रल जनरलमध्ये प्रसिद्ध झालेल्या सर्वेक्षणात मुलांमध्ये लठ्ठपणाची तक्रार वाढत असल्याचे समोर आले आहे. भारतातील १० ते १२% मुले लठ्ठ आहेत. जेवताना टीव्ही आणि मोबाईल फोन पाहणे हे त्याचे एक कारण आहे.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By : Shraddha Thik

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com