चेतन व्यास
वर्धा : येथील देवळी मार्गावर भीषण अपघात झाल्याची दुर्देवी घटना घडली आहे. मजूरांना घेवून जाणाऱ्या एका वाहनाला भरधाव वेगानं जाणाऱ्या कारने धडक दिल्याने हा भीषण अपघात झाला. या अपघातात (Accident) मालवाहू वाहनातील चालकासह १० महिला जखमी झाल्या आहेत. तर कारमधील दोन जण गंभीर जखमी झाले आहेत. या घटनेची माहिती मिळताच स्थानिक नागरिकांनी जखमींना सावंगी रुग्णालयात दाखल केले. (12 people injured in tempo and car accident at wardha devali road)
मिळालेल्या माहितीनुसार,सालोड हिरापूर येथील विजय दाते शेतीच्या कामासाठी निघाले होते. त्यांच्यासोबत पत्नी मुलासह दहा जण प्रवास करत होते. देवळी महामार्गावर जयस्वाल यांच्या धाब्याजवळ वर्धेवरून देवळीच्या दिशेने भरधाव वेगाने जाणाऱ्या कारने मालवाहू वाहनाला धडक दिली.या धडकेत मालवाहू ऑटो रस्त्याच्या कडेला जाऊन धडकला तर कार शंभर मीटर अंतरावर जाऊन उलटली.
या अपघातात ऑटो चालक विजय दाते यांच्यासह मनीष दाते,जया दाते, आदित्य घडमोडे,अनिता घडमोडे,सीमा खोबरे,रेखा वरठी सह अन्य तीन मजूर जखमी झाले.तर कारमधील चालकासह दोघे जण जखमी झाले. या अपघाताची सावंगी पोलीस ठाण्यात नोंद करण्यात आली आहे.
Edited By - Naresh Shende
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.