Kokan Accident News : कोकणात अपघातवार! दोन भीषण अपघातात १३ जणांचा मृत्यू , २४ जण जखमी

Kokan News : कोकणात आजची सकाळ दुर्देवी ठरली आहे. आज सकाळपासूनच कोकणात दोन ठिकाणी मोठे अपघात झाले आहेत. या भीषण अपघातांमुळे एकूण १३ जणांचा जागीच मृत्यू झालाय तर २४ जण गंभीर जखमी आहेत. मुंबई-गोवा महार्गावर कणकवली येथे आणि माणगाव जवळ हे दोन अपघात झाले आहेत. (Latest Marathi News)

मुंबई-गोवा महार्गावर कणकवली येथे पहिला अपघात झाला आहे. मुंबई-गोवा महामार्गावर कणकवली येथे वागदे पुलानजीक खाजगी बसला भीषण अपघात झाला आहे. गडनदी पुलावर धोकादायक वळणावर चालकाचा ताबा सुटून हा अपघात झाला. बस मुंबई ते गोवाच्या दिशेने जात होती.

या बसमध्ये ३६ प्रवासी होते. पहाटे ४ वाजता हा अपघात झाला असून या अपघातात ४ ठार तर २३ जण जखमी असल्याची माहिती मिळत आहे. जखमींना शासकीय रुग्णालयात दाखल करण्यात आले असून त्यांच्यावर उपचार सुरू आहेत.

तर दुसरी घटना  माणगाव तालुक्यातील रेपोली गावाजवळ पहाटे पाच वाजण्याच्या सुमारास घडली आहे. या अपघात ट्रक रस्त्याच्या विरूद्ध दिशेने येऊन इको कारवर धडकल्याने हा अपघात झाला. या अपघातात नऊ जणांचा जागीच मृत्यू झाला आहे, तर एक चार वर्षांचा मुलगा जखमी झाला आहे. इको कार आणि ट्रकमध्ये समोरासमोर धडक झाल्याने हा अपघात झाला.

कार आणि ट्रकमधील टक्कर एवढी जोरदार होती की इको कारचा अक्षरश: चक्काचूर झाला आहे. घटनेची माहिती मिळताच गोरेगाव पोलीस तातडीने अपघातस्थळी दाखल झाले आहेत. पोलिसांना स्थानिक ग्रामस्थांसह बचावकार्य सुरु केलंय.