नात्याला काळिमा! जन्मदात्या बापाकडून 13 वर्षीय अल्पवयीन मुलीवर अत्याचार..

पीडितेच्या आईच्या डोळ्यादेखत बापाकडून संतापजनक कृत्य
नात्याला काळिमा! जन्मदात्या बापाकडून 13 वर्षीय अल्पवयीन मुलीवर अत्याचार..
Beed Shirur Police StationSaam Tv

बीड - जिल्ह्यात नात्याला काळिमा फासणारी घटनाघडली आहे. 36 वर्षीय जन्मदात्या नराधम बापानेच, आपल्या पोटच्या 13 वर्षीय अल्पवयीन मुलीवर अत्याचार केल्याची संतापजनक घटना घडली आहे. ही संतापजनक बीडच्या (Beed) शिरूर कासार तालुक्यात घडली आहे.

13 जूनच्या मध्यरात्री आठवीच्या वर्गात शिकत असलेली पीडित मुलगी, आपल्या घरासमोरील अंगणात बाजेवर झोपली होती. यावेळी आरोपी नराधम बापाने तिला खाली झोपायला सांगितले. त्यांनतर आपल्या वडिलांनी सांगितल्याने पीडिता खाली झोपली. यावेळी मध्यरात्री 2 च्या दरम्यान बापाच्या नावाला कलंक असलेल्या नराधमाने, पोटच्या मुलीवर अत्याचार केला. यावेळी पीडितेने आरडाओरडा केल्यानंतर बाजूला झोपलेली तिची आई जागी झाली. मात्र तिला आरोपी नराधमाने जीवे मारण्याची धमकी दिल्याने ती काहीच करू शकली नाही.

हे देखील पाहा -

विशेष म्हणजे एवढ होऊनही पिडीतेच्या आईने तिला दोन दिवस पोलिसात तक्रार देऊ दिली नाही. मात्र पिडीतेच्या आज्जीने पीडितेला सोबत घेऊन शिरूर कासार पोलीस ठाणे गाठले. आणि पिडितेने आपल्यासोबत घडलेली आपबिती सांगितली.

Beed Shirur Police Station
राष्ट्रवादी युवक काँग्रेसचे नितीन बिक्कड यांच्या गाडीवर गोळीबार; थोडक्यात बचावले

दरम्यान, पीडितेच्या फिर्यादीवरून आरोपी नराधम बापाविरुद्ध शिरूर कासार पोलीस ठाण्यात, बाललैंगिक अत्याचार , पोक्सो कलमानुसार गुन्हा दाखल करण्यात आला आहे. दरम्यान या घटनेने बाप-लेकीच्या नात्याला काळीमा फासला असून नराधम आरोपी बापाविरुद्ध तीव्र संताप व्यक्त केला जात आहे. त्यामुळे या नराधम बापाला कठोरात कठोर शासन करावं अशी मागणी नागरीकांतून होत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com