Yavatmal Crime : संतापजक! ३० वर्षीय नातवाचा ८५ वर्षीय आजीवर अत्याचार; काळीमा फासणारी घटना

Yavatmal Crime News : गेल्या काही दिवसांपासून राज्यात अत्याचारांच्या घटनेत मोठी वाढ झाली आहे. अत्याचार करणाऱ्या नराधमांवर कठोरात कठोर कारवाई व्हावी, अशी मागणी केली जात आहे. अशातच यवतमाळ जिल्ह्यातून एक संताजनक घटना उघडकीस आली आहे. येथे एका ३० वर्षीय नराधम नातवाने आपल्या ८५ वर्षीय आजीवर बलात्कार केला आहे. या घटनेनं परिसरात मोठी खळबळ उडाली आहे. या प्रकरणी यवतमाळ शहर पोलिसांनी तरुणाला अटक केली. (Latest Marathi News)

पोलिसांनी दिलेल्या माहितीनुसार, अकोला (Akola) जिल्ह्यातील ८५ वर्षीय वृद्ध महिला आपल्या पतीसह यवतमाळ (Yavatmal) येथे आली होती. २७ डिसेंबर २०२२ रोजी वृद्ध महिला घरात झोपली होती. यावेळी रात्री दीड वाजेच्या सुमारास या वृद्ध महिलेचा नराधम नातू तिच्याजवळ आला. त्याने नग्न होत वृद्ध आजीशी अश्लील चाळे सुरू केले.

जेव्हा नराधम नातू हा आपल्या आजीसोबत गैरकृत्य करत होता, तेव्हा त्याच्या आजोबाने त्याला बघितले. त्यानंतर त्यांनी नराधम नातवाला तात्काळ बाजूला केले. धक्कादायक बाब म्हणजे यावेळी नातवाने आजीसह आजोबाला मारहाण देखील केली. या सर्व प्रकारानंतर आजोबाने या घटनेची तक्रार गुरुवारी (१९ डिसेंबर) यवतमाळ शहर  पोलीस (Police) ठाण्यात दिली. तक्रार दाखल होताच, पोलिसांनी अत्याचाराचा गुन्हा नोंद करून नराधम नातवाला अटक केली आहे.

Edited By - Satish Daud