Corona | अलिबाग तालुक्यातील 36 गावे बनली कोरोना हॉटस्पॉट !

दुसरी लाट अजूनही संपली नसून अलिबाग अद्यापही या कोरोनाच्या विळख्यात अडकला आहे. रायगड जिल्ह्यात सर्वाधिक कोरोनाचे रुग्ण हे अलिबाग तालुक्यात आहेत.
Corona | अलिबाग तालुक्यातील 36 गावे बनली कोरोना हॉटस्पॉट !
Corona | अलिबाग तालुक्यातील 36 गावे बनली कोरोना हॉटस्पॉट !SaamTv

राजेश भोस्तेकर

रायगड : कोरोनाचा विळखा अजूनही घट्ट होताना दिसतोय. दुसरी लाट अजूनही संपली नसून अलिबाग अद्यापही या कोरोनाच्या विळख्यात अडकला आहे. जिल्ह्यात सर्वाधिक कोरोनाचे रुग्ण हे अलिबाग तालुक्यात आहेत. 36 villages in Alibag taluka becomes Corona hotspot

अलिबाग तालुक्यात 219 गावे आहेत. यापैकी 36 गावांमध्ये दहा पेक्षा अधिक कोरोना बाधित रुग्णाची संख्या आढळून येत आहे. तर 109 गावात एकही कोरोनाचा रुग्ण नाही. तालुक्यातील या 36 गावांमध्ये ग्रामसेवकांनी तात्काळ कोव्हिड प्रतिबंधात्मक कार्यवाही करण्याचे निर्देश प्रशासनाने दिले आहेत.

हे देखील पहा -

कोरोनाचा प्रादुर्भाव तालुक्यात वाढत असल्याने अलिबाग सध्या कोरोनाचा हॉटस्पॉट ठरला आहे. त्यामुळे तालुक्यातील कोरोना रुग्ण संख्या कमी करण्याचे आव्हान स्थानिक प्रशासनासमोर उभे ठाकले आहे.

अलिबाग तालुक्यात कोरोनाचा प्रादुर्भाव हा अद्यापही कमी होताना दिसत नाही. कोरोना प्रादुर्भाव असलेली अनेक गावे व वाड्यावस्त्या प्रांताधिकारी यांच्या आदेशाने कोरोना बाधित क्षेत्र घोषित करून बंद करण्यात आली आहेत. गावागावात ग्रामपंचायत, आरोग्य विभाग, महसूल विभागामार्फत कोरोना प्रतिबंधात्मक उपाययोजना राबवण्यात येत आहेत. नागरिकांची अँटीजन, आरटीपीसीआर चाचणी केली जात आहे.

Corona | अलिबाग तालुक्यातील 36 गावे बनली कोरोना हॉटस्पॉट !
कृषीमंत्री दादा भुसे यांचा पिक पाहणी दौरा

कोरोनाच्या नियमांचे पालन करण्याच्या सूचनाही प्रशासनाकडून केल्या जात आहेत. मात्र तरीही अलिबाग तालुक्यात कोरोना आटोक्यात आणण्यात प्रशासनाला यश येत नाही. अलिबाग तालुक्यात आतापर्यंत 17 हजार 95 नागरिकांना कोरोनाची लागण झाली आहे. यापैकी 15 हजार 343 जणांनी कोरोनावर मात केली आहे. तालुक्यात 490 जणांचा कोरोना विषाणूने मृत्यू झाला आहे. अलिबाग तालुक्यात सद्यस्थितीत जिल्ह्यातील सर्वाधिक 1 हजार 262 कोरोना रुग्ण उपचार घेत आहेत. पहिल्या लाटेत ज्या गावात कोरोना प्रादुर्भाव नव्हता अशी गावे दुसऱ्या लाटेत कोरोनाने बाधित झाली आहेत.

दहा पेक्षा अधिक रुग्ण असलेली गावे

आक्षी 35, आंबेपुर 18, बेलोशी 19, सारळ 16, वरसोली 23, मल्याण 11, वावे 42, चौल 39, शहाबाज 29, चेंढरे 88, धोकवडे 11, कामार्ले 17, शहापूर 15, पोयनाड 18, उसर 10, तळवलीतर्फे खंडाळा 28, वैजाळी 14, खिडकी 13, थळ 32, रेवदंडा 29, किहीम 25, कुरुळ 18, मानतर्फे झिराड 19, वाडगाव 12, रेवस 24, नागाव 30, परहूर पाडा 16, पेझारी 42, चिंचवली 16, कार्ले 14, हाशिवरे 14, भोंनग 11, सारळ 16, आंदोशी 24, गोंधळ पाडा 20, अलिबाग शहर 122

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com