बीड - आर्थिक विवंचना, वादविवाद, अपयश, नैराश्य, व्यसनाधीनतेसह इतर क्षुल्लक कारणांवरून थेट आत्महत्येचे पाऊल उचलण्याची मानसिकता वाढू लागली आहे. यामुळं शेतकऱ्यांपाठोपाठ इतरांचाही संयम ढळत असल्याचं समोर आलंय. बीड (Beed) जिल्ह्यात जानेवारी 2022 ते ऑक्टोबर 2022 या दहा महिन्यांत 461 जणांनी आपलं जीवन संपविल्याची धक्कादायक माहिती आहे. यात पुरुषांचे प्रमाण अधिक आहे. दरम्यान, तणावरहित जीवनशैलीतून नैराश्येवर मात करणे शक्य असून, त्यासाठी हिंमत व संयम हवा, असे तज्ज्ञांचे मत आहे.
मराठवाड्यात बीडमध्ये शेतकरी आत्महत्येचे प्रमाण सर्वाधिक आहे. यासोबतच विविध वयोगटातील स्त्री- पुरुष अगदी क्षुल्लक कारणावरून टोकाचे पाऊल उचलत असल्याचे दिसत आहे. नैराश्येकडे झुकलेली व्यक्ती आपल्या जिवाचे बरेवाईट करून घेणार आहे, याची कधी-कधी जवळच्यांनाही कल्पना नसते. मात्र, चेहऱ्यावरील हास्यामागेदेखील वेदना असू शकतात, याचा प्रत्यय जिल्ह्यातील काही आत्महत्येच्या घटनांनी आला आहे. यामुळे स्वतःचा जीव देऊन सुटका करून घेण्यापेक्षा आलेल्या संकटांचा धैर्याने सामना करणे हिताचे आहे.
कोणत्या महिन्यात किती आत्महत्या झाल्या ?
जानेवारी - 40
फेब्रुवारी - 59
मार्च - 28
एप्रिल - 49
मे - 65
जून - 59
जुलै - 28
ऑगस्ट - 45
सप्टेंबर - 33
ऑक्टोबर - 55
हे बीड जिल्ह्यातील आत्महत्येचं भेसूर वास्तव आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.