पंढरपूर : श्री विठ्ठल रुक्मिणी मंदिराचे पुरातन रूप जतन करण्यासाठी पुरातत्व विभागाच्या वतीने डीपीआर ला अंतिम रूप मिळणार असून याचा खर्च ५५ कोटी रुपयांपर्यंत जाणार आहे. आता राज्य शासनाने श्री विठ्ठल रुक्मिणी मंदिर समितीच्या पाठीशी उभे राहण्याची गरज आहे. आषाढी एकादशीला शासकीय महापूजेसाठी येणारे मुख्यमंत्री याबाबत काही घोषणा करणार का ? या कडे सर्वांचे लक्ष लागले आहे. 55 crore for renovation of Vitthal Rukmini temple
हे देखील पहा -
विठ्ठल रुक्मिणी मंदिर मजबुतीकरणास साधारण साडे आठ कोटी रुपये एवढा खर्च होणार आहे. मंदिराच्या स्ट्रक्चरल मजबुतीकरणाला साडेचौदा कोटी खर्च होणार आहे. विद्युतीकरण, अग्निशमन यंत्रणा, सीसीटीव्ही यासाठी साडे सहा कोटी खर्च अपेक्षित आहे.
याशिवाय नव्याने उभ्या कराव्या लागणाऱ्या वास्तूसाठी साडे अकरा कोटी रुपयांचा खर्च अपेक्षित आहे. एकंदर प्रत्यक्ष कामाला सुरुवात करताना मंदिराची आर्थिक परिस्थिती पाहून प्राधान्यक्रम ठरवून ही कामे हाती घेतली जाणार आहेत. हा सर्व खर्च 55 कोटी रुपयांपर्यंत जाऊ शकतो. अशातच गेल्या दीड वर्षांपासून कोरोना काळामध्ये मंदिराला 32 कोटी रुपयांचा तोटा सोसावा लागला आहे. या कामासाठी शासनाकडूनही आर्थिक मदतीची गरज आहे.
श्री विठ्ठल-रुक्मिणी शासकीय महापूजा करण्यासाठी मुख्यमंत्री उद्धव ठाकरे येणार आहेत. त्यावेळी यासाठी ते मदतीची घोषणा करतील का? याकडे सर्वांचे लक्ष आहे. आज विधानपरिषदेच्या उपसभापती नीलम गोऱ्हे यांनी आज मंदिराची कोणती कामे होणार आहेत, याची पाहणी केली आहे. त्यांनी पंढरपूर मधील प्रशासनाची, पुरातत्व विभागाच्या आणि मंदिर समिती अधिकाऱ्यांसोबत बैठक घेऊन सूचना दिल्या आहेत.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
