सांगली DCC बँकेसाठी 85.31 टक्के मतदान; 23 नोव्हेंबरला मतमोजणी

सांगली जिल्हा मध्यवर्ती सहकारी बँकेसाठी (Sangli District Central Co-operative Bank) आज चुरशीने मतदान पार पडले. यामध्ये सहकार पॅनल आणि शेतकरी विकास पॅनेलमध्ये सरळसरळ लढत होत आहे. या निवडणुकीसाठी 85.31 टक्के मतदानाची नोंद झाली आहे. निवडणुकीनंतर दोन्ही पॅनेलच्या नेत्यांनी विजयाचा दावा केला आहे. त्यामुळे आता सर्वांच्या नजरा 23 नोव्हेंबरकडे होणाऱ्या मतमोजनीकडे लागल्या आहेत.

सांगली जिल्हा मध्यवर्ती बँकेच्या पंचवार्षिक निवडणुकीसाठी काँग्रेस राष्ट्रवादी आणि शिवसेना प्रणित सहकार विकास पॅनल रिंगणात आहे. या पॅनेलचे तीन उमेदवार यापूर्वीच बिनविरोध झाले आहेत. त्यामुळे उर्वरित गटासाठी आज मतदान पार पडले. या निवडणुकीत सहकार पॅनेलला टक्कर देण्यासाठी भाजपा प्रणित शेतकरी विकास पॅनल रिंगणात आहे. आज प्रत्यक्ष निवडणुकीसाठी पार पडलेल्या मतदानात 85.31 इतके मतदान पार पडले. मतदानानंतर दोन्ही पॅनेलच्या नेत्यांनी विजयाचा दावा केला आहे. पण काही ठिकाणी क्रॉस व्होटिंगची शक्यता नाकारता येत नसल्याने काही जागांवर धक्कादायक निकाल लागू शकतात. त्यामुळे 23 नोव्हेंबर रोजी होणाऱ्या मतमोजनीकडे सर्वांचे लक्ष लागून राहिले आहे.

Edited By: Pravin Dhamale