भंडारा-गोंदिया हादरले! मदतीच्या बहाण्याने ३५ वर्षीय महिलेवर ३ जणांनी केले सामुहिक अत्याचार

Bhandara-Gondia Crime News | यानंतर आरोपींनी या महिलेला जंगलातच सोडून दिले आणि पळ काढला.
Gang Sexual Assault On Women
Gang Sexual Assault On WomenSaam TV

भंडारा: मदतीचे आश्वसान देऊन भंडाऱ्यात ३५ वर्षीय महिलेवर भंडारा (Bhandara) आणि गोंदिया (Gondia) जिल्ह्यात दोन आरोपींनी वेगवेगळ्या ठिकाणी नेऊन केला अत्याचार (Sexual Assault) केल्याची घटना धक्कादायक घडली आहे. एवढंच नाही तर, अत्याचारानंतर पीडितेला रस्त्याकाठी फेकण्यात आलं. पीडितेवर सध्या नागपूर वैद्यकीय महाविद्यालयात उपचार सुरु असून याप्रकरणी पोलिसांनी दोन संशयित आरोपींना अटक केली आहे, तर एक आरोपी फरार आहे. (Bhandara Crime News)

हे देखील पाहा -

मिळालेल्या माहितीनुसार, पीडित महिला ही तिच्या पतीपासून विभक्त राहत असून नकुतीच गोंदिया जिल्ह्यातील गोरेगाव येथे बहिणीकडे राहत होती. दरम्यान ३० जुलैला बहिणासोबत भांडण झाल्याने तिने रात्रीच्या सुमारास घर सोडले. त्यानंतर भंडारा जिल्ह्यात आईकडे जाणासाठी ती घरातून निघाली. घरातून बाहेर निघाल्यानंतर प्रथम दर्शनी संशयित आरोपीने तिला घरी सोडण्याच्या बहाण्याने कारमध्ये बसवले. त्यानंतर गोंदिया जिल्ह्याच्या मुंडीपार जंगलात नेऊन तिच्यावर अत्याचार केला. तर दुसऱ्या दिवशी ३१ जुलैला पळसगांव जंगलात नेऊन अत्याचार केला. यानंतर आरोपींनी या महिलेला जंगलातच सोडून दिले आणि पळ काढला.

या पाशवी अत्याचारानंतर पीडिता जंगलातून निघून लाखनी तालुक्यातील कन्हाळमोह येथे पोहचली. याठिकाणी असलेल्या धर्मा ढाब्यावर पोहचली असता तिथे तिची दुचाकी दुरुस्त करणाऱ्या आरोपी क्रमांक दोन सोबत भेट झाली. तिथे त्यानेही घरी सोडून देण्याच्या बहाण्याने महिलेची फसवणूक केली आणि त्याच्या मित्रासोबत १ ऑगस्टला अत्याचार केले. या अत्याचारांनंतर कारधा पोलिस ठाण्याच्या हद्दीत येणाऱ्या कन्हाळमोह गावाच्या पुलाजवळ सकाळी 8 वाजेच्या सुमारास महिलेला विवस्त्र अवस्थेत सोडून आरोपींनी पळ काढला. ही पीडित महिला नागरिकांना दिसताच पोलिसांनी महिलेला भंडारा जिल्हा सामान्य रुग्णालयात दाखल केले. वैद्यकीय तपासणी केली असता महिलेवर अत्याचार झाल्याचे उघडकीस आले. महिलेची प्रकृती चिंताजनक असल्याने तिला पुढील उपचारांकरिता नागपुरातील वैद्यकीय महाविद्यालयात हलविले आहे.

Gang Sexual Assault On Women
Praveen Darekar : नवं सरकार येताच मुंबई बॅंकेच्या अध्यक्षपदी प्रवीण दरकेर बिनविराेध

पीडितेने दिलेल्या माहितीनुसार भंडारा जिल्ह्याच्या कारधा पोलिसांनी दोन संशयित आरोपींना अटक केली आहे. या आरोपींविरुद्ध कलम 376 अन्वये गुन्हा दाखल करण्यात आला असून पुढील तपास कारधा पोलिस करीत आहेत. या संपूर्ण गुन्हात 3 संशयित आरोपींचा समावेश आहे, सध्या २ आरोपींना भंडारा पोलिसांनी अटक केली आहे.

या गुन्हाची सुरुवात गोंदिया जिल्ह्याच्या गोरेगाव येथे झाल्याने भंडारा पोलिसांनी गोरेगाव पोलिसांना 2 संशयित आरोपींसह गुन्हाचा तपास वर्ग केला आहे. हे दोन संशयित आरोपी गोरेगाव पोलिसांच्या ताब्यात असून आणखी एका अज्ञात फरार आरोपीचा शोध गोंदिया पोलिस घेत आहे. तसेच संपूर्ण तपास हा गोंदिया पोलिस करत आहेत.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com