Akola News : मुक्या जनावराला वाचवायला गेला अन् जीव गमावून बसला; मन हेलावून टाकणाऱ्या घटनेनं अख्खं गाव हळहळलं

Akola News : अकोल्यातून एक धक्कादायक घटना समोर आली आहे. विहिरीत पडलेल्या बकरीच्या पिल्लाला वाचविण्याच्या प्रयत्नात एका व्यक्तीने आपला जीव गमावला आहे. ही दुर्देवी घटना अकोल्यातील (Akola) अकोट फाईल पोलीस स्टेशन हद्दीतील नायगाव परिसरात घडली. या घटनेमुळे परिसरातून मोठी हळहळ व्यक्त होत आहे. (Latest Marathi News)

गणेश डोमाळे (वय ६० वर्ष) असं मृत्युमुखी पडलेल्या व्यक्तीचं नाव आहे. गणेश हे नायगाव येथील रहिवाशी असून त्यांचा रसवंती आणि चहा विक्रीचा व्यवसाय आहे.आज दुपारच्या सुमारास ते दुकानात असताना त्यांना परिसरातील एका विहिरीच्या काठावर बकरीची पिल्लं खेळताना दिसली.

ही बकरीचे पिल्ले विहिरीत पडू नये म्हणून गणेश हे त्यांना हाकलण्यासाठी गेले. यावेळी गणेश यांचा विहिरीत तोल गेला आणि पाण्यात बुडून त्यांचा या घटनेची माहिती मिळताच नागरिकांची गर्दी येथे जमा झाली. या बाबत अकोलट फाईल पोलिसांना माहिती मिळताच पोलिसांचा ताफा घटना स्थळी दाखल झाला.

विहीर अतिशय खोल असल्याने येथे अग्निशमन दल तसेच अकोला महानगर पालिकेच्या ताफ्याला बोलविण्यात आले. दोन तासाच्या अथक परिश्रम नंतर गणेश याला विहिरीतून बाहेर काढण्यात आले पण वेळ झाल्याने गणेश डोमाळे यांची प्राणज्योत मालवली होती.

पोलिसांनी (Police) गणेश यांच्या मृतदेहाचा पंचनामा शवविच्छेदनासाठी अकोला शासकीय रुग्णालय येथे पाठविला आहे. मुक्या जनावराला वाचवण्याचा नादात गणेश यांना आपला जीव गमवावा लागल्याने परिसरातून मोठी हळहळ व्यक्त केली जात आहे.

Edited By - Satish Daud