
Beed Crime News Today: प्रेमाचं नाटक करत लग्नाचे अमिष दाखवून, कायद्याचे शिक्षण घेणाऱ्या तरुणीवर सतत 6 वर्ष अत्याचार करण्यात आला आहे. ही धक्कादायक घटना बीड शहरात उघडकीस आली आहे. याप्रकरणी दुसऱ्या मुलीशी संसार थाटणाऱ्या गणेश या तरुणावर अत्याचाराचा गुन्हा दाखल करण्यात आला आहे. (Latest Marathi News)
याविषयी पीडितेने दिलेल्या फिर्यादीवरून, पीडितेने एलएलबी शिक्षणासाठी 2017 ला विद्यालयात प्रथम वर्षात प्रवेश घेतला होता. यावेळी आरोपी गणेश हा एलएलबी द्वितीय वर्षात शिक्षण घेत होता.
त्यानंतर काही दिवसांनी त्याने, पीडितेच्या मैत्रीणीच्या फोनवर फोन करुन पीडितेला फोन द्यायला सांगितला. यावेळी 'मला तू खूप आवडतेस, माझ्यासोबत मैत्री करणार का' असं म्हणाला. त्यावर पीडिता प्रेम करण्यापेक्षा माझ्यासोबत लग्न कर असं म्हणाली. त्यावर त्याने फोन कट केला. (Beed Crime)
त्यानंतर काही दिवस आरोपीने फोन केला नाही. मग, परत मॅसेज करण्यास सुरुवात केली. माझे तुझ्यावर प्रेम असून लग्न करण्यासाठी काही अडचण आहे. माझे आणि तुझे शिक्षण झाल्यावर आपण लग्न करु, असे म्हणाला.
त्यानंतर विविध ठिकाणी फिरायला नेवून वारंवार लग्नाचे अमिष दाखवून आरोपी गणेशने पीडितेवर जबरदस्तीने शारीरिक संबंध ठेवले. तसेच बीड (Beed) शहरात एका ठिकाणी किरायची रुम करुन पीडितेला तिथे ठेवून तिथेही शारीरिक संबंध ठेवले.
त्यानंतर पीडितेला तो एका मुलीसोबत विवाह करत असल्याची माहिती मिळाली. तसेच स्टेट्सला साखरपुड्याचे फोटो दिसले. त्यानंतर त्या मुलीसोबत विवाहही केला आणि पीडितेला तुला काय करायचे ते कर, तुझी आमची कास्ट वेगळी आहे.
मी लग्न करु शकत नाही, कुठे तक्रार द्यायची तिथे दे, माझं कुणीही वाकडं करु शकत नाही, अशी धमकी दिली. दरम्यान या प्रकरणी बीडच्या शिवाजीनगर पोलीस (Police) ठाण्यात पीडितेच्या फिर्यादीवरुन गणेश याच्या विरुद्ध अत्याचाराचा गुन्हा दाखल करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.