Mohol Police Station : दहा हजार रुपयांची लाच घेताना एसीबीच्या पथकाने माेहाेळ पाेलिस स्टेशनमधील हाेमगार्डला पकडले. संबंधित हाेमगार्डने साहेबांना द्यावे लागतात असे सांगितल्याने एसीबीचे पथक या प्रकरणाचा सखाेल तपास करीत आहे. एसबीबीने संबंधित हाेमगार्डवर पाेलिस (police) ठाण्यात गुन्हा दाखल केला आहे.
एसीबीने (ACB) लाच घेताना पकडलेल्या संशयित आराेपी हाेमगार्डचे नाव दत्तात्रय मोरे असे आहे. चोरीच्या गुन्ह्यात जामीनासाठी मदत करतो असे सांगत त्याने तक्रारदाराकडे पंधरा हजार रुपयांची लाच (bribe) मागितली हाेती.
त्यानंतर एसीबीने सापळा रचला. या सापळ्यात दहा हजार रुपयांची लाच स्वीकारताना दत्तात्रय मोरे अलगद अडकला. माेरे याला लाच घेताना मोहोळ पोलीस ठाण्यात पकडल्याने पाेलिस दलात खळबळ उडाली. (Maharashtra News)
दरम्यान माेरे याने मोहोळ पोलीस ठाणे परिसरात 'साहेबांना द्यावे लागतात' म्हणून चोरीच्या गुन्ह्यातील संशयिताला जामीनासाठी मदत करण्यासाठी दहा हजार घेतल्याचे सांगितले. गेल्या आठ दिवसांत ग्रामीण पोलिसांवरील ही दुसरी कारवाई आहे. या होमगार्डचा साहेब नेमका कोण हा प्रश्न सध्या अनुत्तरीतच आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
