संजय सुर्यवंशी, नांदेड...
Nanded News: राजापूर येथील पत्रकार शशिकांत वारिशे यांच्यावर गाडी घालून हत्या केल्याच्या घटनेने सर्वत्र संताप व्यक्त केला जात आहे. ही घटना ताजी असतानाच नांदेडमध्ये अशीच एक घटना उघडकीस आली आहे. नांदेड येथील पत्रकार संजय कंधारकर यांचा अपघाती मृत्यू झाला आहे . अवैध मुरूम वाहतूक करणाऱ्या टिप्परने कंधारकर यांना पाठीमागून धडक दिल्याने हा अपघात झाला असून घातपाताचा संशय व्यक्त केला जात आहे. (Latest Marathi News)
याबाबत अधिक माहिती अशी की, नांदेडमधील पत्रकार संजय कंधारकर हे आपल्या दुचाकीवरुन कंधारमधून लोह्याकडे जात होते. यावेळी पाठीमागून येणाऱ्या मुरुमच्या टिप्परने संजय कंधारकर यांच्या गाडीला जोरदार धडक दिली. या अपघातात संजय कंधारकर यांचा जागीच मृत्यू झाला. धक्कादायक बाब म्हणजे धडक दिलेल्या टिप्परमधून अवैधरित्या मुरुमची वाहतूक केली जात असल्याची माहिती समोर आली आहे.
तसेच कंधारकर यांचा अपघात की घातपात याबद्दलही उलटसुलट चर्चा नांदेड जिल्ह्यात होताना दिसत आहे. दरम्यान, संजय कंधारकर यांच्या अपघाताची चौकशी करावी, अशी केली जात आहे. जिल्हा पोलिस अधिक्षकांची भेट घेवून या अपघाताच्या सखोल चौकशीची मागणी पत्रकार संघटनेकडून केली आहे. (Accident News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
