Chhatrapati Sambhajinagar News : आई-मुलाची भेट अपूर्णच राहिली; मुलाची वाट पाहत उभ्या असलेल्या महिलेला ट्रकने चिरडलं

Chhatrapati Sambhajinagar Accident News :

छत्रपती संभाजीनगर येथून मन हेलावून टाकणारी घटना समोर आली आहे. मुलाच्या भेटीसाठी २५० किमीचं अंतर कापून छत्रपती संभाजीनगर गाठलेल्या महिलेचा भेटीआधीच अपघाती मृत्यू झाला आहे. शहराजवळील केंब्रिज चौकात ही घटना घडली आहे.

पुष्पाबाई वामनराव जगताप असं मृत महिलेचं नाव आहे. मिळालेल्या माहितीनुसार, रिव्हर्स घेताना ट्रकने महिलेला चिरडलं आहे. पोलीस कारवाई करणार असल्याच्या धाकाने ड्रायव्हरने ट्रक रिव्हर्स घेतला. यावेळी पुष्पाबाई मागे उभ्या होत्या. त्यांचा मागच्या चाकाखाली आल्याने मुलासमोरच मृत्यू झाला.(Latest News)

या घटनेत ट्रक चालक निंगराज मलप्पा बिस्मोंडे याच्याविरोधात एमआयडीसी सिडको पोलिसात गुन्हा दाखल करण्यात आला आहे. अकोला येथून मुलाला भेटण्यासाठी पुष्पाबाई शहरात आल्या होत्या.

मुलगा घ्यायला येत असल्याने बसमधून उतरल्यावर त्या वाट पाहत रस्त्याच्या बाजूला उभ्या होत्या. दरम्यान घ्यायला आलेल्या मुलाने आईचा मृतदेह पाहताच हंबरडा फोडला. घटनेमुळे परिसरात शोककळा पसरली आहे.