सचिन कदम, प्रतिनिधी...
Mumbai Pune Highway Accident: गेल्या काही दिवसांपासून राज्यात रस्ते अपघातांचे सत्रच सुरू आहे. नुकतीच मुंबई पुणे महामार्गावर एक भीषण अपघाताची घटना समोर आली आहे. महामार्गावर कारने एका अज्ञात वाहनाला धडक दिल्याने हा अपघात झाल्याचे सांगण्यात येत आहे. या अपघातात एकाचा जागीच मृत्यू झाला.
याबाबत समोर आलेल्या माहितीनुसार, मुंबई पुणे एक्स्प्रेसवेवर (Mumbai Pune EXpressway) खालापूर नजीक भीषण अपघात झाल्याचे समोर आले आहे. आज पहाटेच्या सुमारास मुंबईकडे चाललेल्या कारने पुढे चाललेल्या अज्ञात वाहनाला धडक दिल्याने हा अपघात घडला. ज्यामध्ये कारमधील तरुणाचा जागीच मृत्यू झाला.
हा अपघात इतका भीषण होता की त्यामध्ये कारचा पुर्ण चक्काचूर झाला असून एयरबॅग्ज उघडूनही तरुणाचा जीव वाचू शकला नाही. या घटनेनंतर महामार्गावर मोठी गर्दी झाली ज्यामुळे महामार्गावरील वाहतूक काही काळ विस्कळीत झाली होती. (Latest Marathi News)
भीषण अपघातात ६ जणांचा मृत्यू...
छत्तीसगढमधील (Chhattisgarh) राष्ट्रीय महामार्गावरही एक भीषण अपघात झाल्याचे समोर आले आहे. छत्तीसगडच्या बलौदा बाजारात भीषण अपघात झाल्याचं वृत्त हाती आलं आहे. बलौदा बाजार राष्ट्रीय महामार्गवर ट्रक आणि पिकअपची एकमेकांना जोरदार धडक बसल्याने भीषण अपघात झाला आहे. या भीषण अपघातात (Accident News) ६ जणांचा जागीच मृत्यू झाला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
