सांगली : जिल्ह्यातील कासेगाव येथील पुणे बंगळूर राष्ट्रीय महामार्गवर कार व कंटनेरचा भीषण अपघात (Accident) झाला आहे. या अपघातात एकाच कुटुंबातील ५ जणांचा मृत्यू झाला आहे. पुण्याहून सांगलीकडे (Sangli) निघालेल्या मार्गावर ही दुर्घटना घडली असून गाडीचा पूर्णपणे चक्काचूर झाला आहे. कराड तालुक्यातून पुढे गेल्यानंतर काही अंतरावर कासेगावजवळ (Kasegaon) हा भीषण अपघात झाला आहे. अपघातातील मृत जयसिंगपूर येथील आहेत. अरिंजय आण्णासो शिरोटे, स्मिता अभिनंदन शिरोटे, सुनेशा अभिनंदन शिरोटे, विरु अभिनंदन शिरोटे अशी अपघातातील मृतांची नावे आहेत. (Accident on Pune-Bangalore National Highway in Sangli; 5 members of the same family die)
हे देखील पाहा -
हे कुटुंब कारमधून पिंपरी-चिंचवडहून जयसिंगपूरकडे निघाले होते. यावेळी कासेगावजवळील येवलेवाडी फाटा येथे कार रस्त्याकडेला थांबलेल्या कंटेनरला पाठीमागून जोरात धडकली. या अपघातात कारमधील ५ जणांचा मृत्यू झाला. यामध्ये २ जण जागीच ठार झाले, तर ३ जण उपचारासाठी दवाखान्यात दाखल करताना मृत्यू पावले. कासेगावजवळ झालेल्या या अपघातात कारचा पूर्णपणे चक्काचूर झाला होता. गाडीचा वरील टप आणि दरवाजे पूर्णपणे तुटलेले होते. वरचा भाग पूर्णपणे उडाला होता. तर आतील सीटचा भागही तुटलेला होता. रस्त्यावर रक्ताचा सडा पडलेला होता. याप्रकरणी पोलीस अधिक तपास करत आहेत.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
