नवरात्रोत्सवाच्या आदल्या दिवशीच भाविकांवर काळाचा घाला; ज्योत आणण्यासाठी निघालेल्या दोघांचा जागीच मृत्यू

नवरात्रोत्सवासाठी तुळजापूरला ज्योत आणण्यासाठी दुचाकीवरुन निघालेल्या तरुण भाविकांवर काळाने घाला घातला आहे.
Beed Accidental News
Beed Accidental NewsSaam TV

बीड: नवरात्रोत्सवासाठी (Navratri festival) तुळजापूरला ज्योत आणण्यासाठी दुचाकीवरुन निघालेल्या तरुण भाविकांवर काळाने घाला घातला आहे. ज्योत आणण्यासाठी जात असताना झालेल्या दुचाकीच्या अपघातात बीडच्या (Beed) पाटण सांगवी गावातील २ तरुणांचा जागीच ठार झाल्याची दुर्दैवी घटना समोर आली आहे.

अमोल खिलारे वय ३५ व महेश भास्कर भोसले वय ३० असं अपघातात मृत्यू झालेल्या तरुणांचे नाव आहे. मात्र अपघात कशामुळे झाला याचं कारण अद्याप समोर आलेले नाही. उद्यापासून सुरू होत असलेल्या नवरात्रोत्सवासाठी गावा-गावातून तरुण दरवर्षी घटस्थापनेच्या अगोदर देवीची ज्योत आणण्यासाठी तुळजापूरला (Tuljapur) जात असतात.

पाहा व्हिडीओ -

यावर्षी देखील अनेक गावातील नवरात्रोत्सव मंडळातील तरुण ज्योत आणण्यासाठी तुळजापूरला रवाना झाले आहेत. मात्र, अशीच देवीची ज्योत आणण्यासाठी तुळजापूरला निघालेल्या बीडच्या आष्टी तालुक्यातील पाटण सांगणी येथील उपसरपंच अमोल सुरेश खिलारे व कडा प्राथमिक आरोग्य केंद्राचे आरोग्यसेवक महेश भास्कर भोसले यांच्यावर काळाने घाला घातला आहे.

Beed Accidental News
रात्रभर हिटर राहिला सुरु, उकळत्या पाण्यामुळे फुटली टाकी; झोपेत असतानाच विवाहितेवर काळाचा घाला

हे दोघे ज्योत आणण्यासाठी निघाले असताना या दोघांच्या दुचाकीचा अपघात झाला या अपघातात दोघांचा जागीच दुर्दैवी मृत्यू झाला आहे. हा अपघात कशामुळे झाला याचं कारण अद्याप समोर आलं नसून पोलिस या अपघाताचा पुढील तपास करत आहेत. दरम्यान या अपघाती निधनाने पाटण सांगवी गावावर शोककळा पसरली असून सर्वत्र हळहळ व्यक्त होत आहे .

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com