वाढत्या महागाई विरोधात पिंपरी चिंचवड मध्ये राष्ट्रवादीचे आंदोलन

गोपाल मोटघरे

पिंपरी-चिंचवड : पिंपरी चिंचवड शहरात आज राष्ट्रवादी काँग्रेस पक्षाकडून वाढती महागाई, पेट्रोल डिझेलचे सातत्याने वाढणारे दर व घरगुती गॅस दर वाढी विरोधात आंदोलन करण्यात आले. पिंपरी चौकातील डॉ.बाबासाहेब आंबेडकर स्मारकाजवळ हे आंदोलन करण्यात आले. Agitation of NCP in Pimpri Chinchwad against rising inflation

हे देखील पहा -

यावेळी राष्ट्रवादी काँग्रेसच्या कार्यकर्त्यांनी चुल पेटवून गॅस दर वाढीचा निषेध केला. केंद्र सरकार दिवसेंदिवस पेट्रोल-डिझेल दर वाढ करून सर्वसामान्य नागरिकांच जगणं मुश्किल करत आहे. त्यात पुन्हा केंद्र सरकारने गॅस दरवाढ करून सर्वसामान्यांच्या दुःखहावर मीठ चोळण्याचे काम केले असल्याचा आरोप आहे राष्ट्रवादीच्या कार्यकर्त्यांनी केला .

या आंदोलनादरम्यान मोदी सरकार विरोधात तीव्र संताप व्यक्त करण्यात आला. केंद्र सरकारच्या धोरणांच्या विरोधात राष्ट्रवादीच्या कार्यकर्त्यांनी जोरदार घोषणाबाजी केली. यावेळी मोठ्या संख्येने कार्यकर्ते उपस्थित होते. केंद्र सरकारने पेट्रोल-डिझेल व गॅस दर वाढ त्वरित मागे घ्यावी अशी मागणी राष्ट्रवादी काँग्रेस पक्षाकडून करण्यात आली आहे.

Edited By : Krushnarav Sathe