बुलढाणा : आज बुलढाणा येथे स्वाभिमानी शेतकरी संघटनेचे नेते रविकांत तुपकर यांच्या नेतृत्वात शेतकऱ्यांनी एकत्र येत सडलेले सोयाबीन जाळून आंदोलन केले. यावेळी शेतकऱ्यांकडून विविध मागण्या करण्यात आल्या.
हे देखील पहा :
राज्य सरकारने जाहीर केलेली मदत तोकडी असून अतिवृष्टीग्रस्तांना हेक्टरी 50 हजार रु.मदत देण्यात यावी, सोयाबीनचा प्रति क्वि. दर 8 हजार रुपये व कापसाचा प्रति क्वि. दर 12 हजार रुपये स्थिर राहावा यासाठी केंद्र सरकारने धोरण आखावे, ओला दुष्काळ जाहीर करावा यासह अन्य मागण्या यावेळी करण्यात आल्या.
तसेच या मागण्यांसाठी 31ऑक्टोबरला बुलढाण्यात भव्य मोर्चाचे आयोजन करण्यात आले आहे. विदर्भ-मराठवाडा-खान्देशात मोठ्या स्वरूपात आंदोलन उभारणार असल्याची घोषणा रविकांत तुपकर यांनी केलीय. सोयाबीन जाळून बुलढाण्यात सोयाबीन-कापसाच्या आंदोलनाची ठिणगी पडली आहे. तुपकरांच्या नेतृत्वात सोयाबीन-कापूस उत्पादकांचे आंदोलन पेटण्याची चिन्हे आहेत.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.