Cotton Market Rate: शेतकऱ्यांसाठी गुड न्यूज, पांढऱ्या सोन्याच्या दरात सुधारणा; वाचा किती मिळतोय भाव

Cotton Rate in Maharashtra: कापूस उत्पादक शेतकऱ्यांना काहीसा दिलासा देणारी बातमी आहे. कारण, कापसाचे भाव आता हळूहळू वाढण्यास सुरूवात झाली आहे.
Cotton Price Today Maharashtra
Cotton Price Today MaharashtraSaam TV

Cotton Price Today Maharashtra: कापूस उत्पादक शेतकऱ्यांना काहीसा दिलासा देणारी बातमी आहे. कारण, कापसाचे भाव आता हळूहळू वाढण्यास सुरूवात झाली आहे. सोमवारी राज्यातील काही बाजारामध्ये कापसाला जवळपास ८ हजार रुपये प्रतिक्विंटल असा भाव मिळत होता. तर कापसाची सरासरी दरपातळी ७ हजार ते ७ हजार ६०० रुपयांच्या दरम्यान होती.  (Latest Marathi News)

गेल्यावर्षी मे महिन्याच्या अखेरीस कापसाला साधारण १२ ते १३ हजार रुपये इतका भाव मिळाला होता. यावर्षी सुद्धा कापसाला चांगला भाव मिळेल, अशी अपेक्षा ठेवून शेतकऱ्यांनी मोठ्या प्रमाणात कापसाच्या पिकाची लागवड केली. दिवाळीआधी कापसला ९ हजार रुपये प्रतिक्विंटल इतका भाव मिळत होता. मात्र, दिवाळी आली अन् कापसाचे भाव गडगडले.

Cotton Price Today Maharashtra
Monsoon Update: अरबी समुद्रातील चक्रीवादळाचा मान्सूनला फटका; पावसाचे आगमन पुन्हा लांबणीवर!

आज ना उद्या कापसाचे भाव (Cotton Rate) वाढतील आणि आपल्या डोक्यावरील कर्जाचं ओझं कमी होईल, या आशेने आजवर अनेक शेतकऱ्यांनी कापूस घरातच ठेवला. बाजारपेठेत कापसाला हवा तसा भाव मिळत नसल्याने शेतकऱ्यांना अन्न पाणीही गोड लागेनासं झालं. त्यातच वाढत्या तापमानामुळे कापसाच्या वजनातही घट झाली. आता पेरणीची वेळ तोंडावर असताना देखील अनेक शेतकऱ्यांचा कापूस घरातच पडून आहे.

परभणीत कापसाच्या दरात सुधारणा

परभणी (Parbhani) जिल्ह्यातील मानवत, सेलू, परभणी या कापसाच्या प्रमुख बाजार पेठांमध्ये कापसाच्या कमाल दरात गेल्या काही दिवसांत ५०० ते ७०० रुपयांनी सुधारणा झाली आहे. त्यामुळे शेतकऱ्यांच्या आशा परत पल्लवित झाल्या आहेत. मानवत बाजार समितीमध्ये कापसाला प्रतिक्विंटल किमान ५६०० ते कमाल ७५२० रुपये तर सरासरी ७४०० रुपये दर मिळत आहे.

Cotton Price Today Maharashtra
Bihar Crime News: संतापजनक! लग्नासाठी माहेरी आलेल्या विवाहितेवर घरात घुसून बलात्कार, २४ वर्षीय तरुणाला अटक

अकोल्यात कापसाला मिळाला ८ हजार रुपये भाव

कापसाच्या कमाल भावाने काही बाजारांमध्ये ८ हजारांचा टप्पा गाठला. सोमवारी अकोल्यातील अकोट बाजारात (Akola News) कापसाला कमाल भाव ८ हजार १४० रुपये मिळाल्याची माहिती आहे. अर्थातच हा भाव सर्वच मालाला मिळाला नाही. लांब धाग्याच्या गुणवत्तापूर्ण कापसाला हा भाव मिळाला.

कापसाचे भाव वाढणार का?

दरम्यान, यापुढील काळात कापसाची आवक आणखी कमी होत जाणार आहे. तसेच आता जास्त दिवस थांबू शकतील, अशाच अगदी थोड्या शेतकऱ्यांकडे (Farmer) कापूस शिल्लक आहे. हे शेतकरी सध्याच्या भावात कापूस विकण्याची शक्यता खूपच कमी आहे. त्यामुळे दरात आणखी सुधारणा दिसू शकते, असा अंदाज कापूस बाजारातील अभ्यासकांनी व्यक्त केला.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com