राणेंचे अभिनंदन करीत जूना किस्सा सांगून अजित पवारांनी काढला चिमटा

उपमुख्यमंत्री अजित पवार हे सातारा दाै-यावर आले आहेत.
राणेंचे अभिनंदन करीत जूना किस्सा सांगून अजित पवारांनी काढला चिमटा
ajit pawar and narayan rane

सातारा : सिंधुदुर्ग जिल्हा मध्यवर्ती बँकेच्या विजयानंतर (Sindhudurg District Central Co-operative Bank Election) उपमुख्यमंत्री अजित पवार (ajit pawar) यांनी केंद्रीय मंत्री नारायण राणे (narayan rane) आणि निवडून आलेल्या सर्व संचालकांचे अभिनंदन केले. त्यानंतर राणेंच्या आता महाराष्ट्रावर लक्ष या घाेषणेवर उपमुख्यमंत्री पवार यांनी राणेंना चिमटा काढत १९९९-२००४ चा सरकार स्थापनेचा किस्सा सांगितला.

उपमुख्यमंत्री अजित पवार (ajit pawar) हे आज सातारा (satara) जिल्हा दाै-यावर आले आहेत. त्यावेळी शासकीय विश्रामगृहात त्यांनी माध्यमांशी संवाद साधला. सिंधुदुर्ग जिल्हा मध्यवर्ती बँकेच्या निवडणुकीच्या निकालाबाबत पवार म्हणाले निवडणुकीत यश अपयश येतच असत. या निवडणुकीत महाविकास आघाडीला बॅक फुटवर जावं लागलं. सातारा, सांगली, पुणे या ठिकाणी चांगलं यश मिळालं.

नारायण राणेंनी (narayan rane) पुढे काय करावं हा त्यांचा प्रश्न आहे. महाविकास आघाडी सरकार पाच वर्षे टिकेल असा विश्वास सुद्धा यावेळी अजित पवार यांनी व्यक्त केला. तसेच विरोधकांना खडे बोल सूनवाले. हे महाविकास आघाडीचे सरकार पडेल अशी चर्चा सातत्याने केली जात आहे. आता नारायण राणेंच्या रुपाने आणखी एक माणूस आला आहे. खरतर नारायण राणेंनी मागे असेच सन १९९९ ते २००४ कालावधीत सरकार पाडण्याचा बराच प्रयत्न केला परंतु त्यात त्यांना यश आले नाही याचा दाखला देत उपमुख्यमंत्री अजित पवारांनी राणेंना चिमटा काढला.

ajit pawar and narayan rane
नारायण राणेंना आलं हाेतं टेन्शन म्हणाले, आंघाेळ करता करताच थांबलाे, वेड्यासारखा!

असे घडले हाेते तेंव्हा

सन १९९९ विधानसभा निवडणुकीत सेना (६९) आणि भाजप (५६) एकत्र लढले हाेते. भाजपने (bjp) मागणी करुनही शिवसेना (shivsena) प्रमुख (कै.) बाळासाहेब ठाकरे यांनी त्यांच्या पक्षास मुख्यमंत्रीपद दिले नाही. त्यावेळी भाजप नेते गाेपीनाथ मुंडे आणि शिवसेना नेते नारायण राणे हे पदाचे दावेदार हाेते. राणेंनी प्रयत्न करुन ही सेनेला सत्ता स्थापन करता आली नव्हती.

त्यावेळी राष्ट्रवादी काॅंग्रेस (ncp) आणि काॅंग्रेस (congress) निवडणुकीनंतर सत्ता स्थापनेसाठी एकत्र झाले आणि अपक्ष आमदारांना सोबत घेऊन आघाडीने सरकार स्थापन केले. त्यावेळी (कै.) विलासराव देशमुख हे मुख्यमंत्री झाले.

edited by : siddharth latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com