सातारा : वडूज येथील बांधण्यात आलेले पाेलिस स्टेशनचे काम दर्जा निकृष्ट असल्याचा दाखला खूद्द उदघाटक उपमुख्यमंत्री अजित पवार यांनी व्यासपीठावरुनच दिल्याने उपस्थितांची भांबेरी उडाली. दरम्यान उपमुख्यमंत्री पवार Ajit Pawar यांनी उदघाटनाच्या कार्यक्रमांना मला बाेलवताना ५० विचार करुन बाेलवत जा अन्यथा तुमचा पंचनामा हाेईल असा इशारा प्रशासनास दिला.
साताऱ्यातील खटाव तालुक्यात वडूज येथे नव्याने बांधण्यात आलेल्या पोलिस स्टेशनचे उद्घाटन उपमुख्यमंत्री अजित पवार यांच्या हस्ते शनिवारी झालेले. परंतु या इमारतीच्या दर्जाबाबत बोलताना उपमुख्यमंत्री अजित पवारांनी तीव्र नाराजी व्यक्त करत इमारतीचे बांधकाम निकृष्ट दर्जाचे असल्याचे सांगितले. ते म्हणाले निकृष्ट दर्जाचे बांधण्यात आलेल्या पोलिस स्टेशनचा उद्घाटनास मला बोलावले. यापुढं अधिकाऱ्यांनी ५० वेळा विचार करून मगच मला बोलवा अन्यथा तुमच्या कामाचा पंचनामा होईल आणि तुमची बदनामी होईल अशा कडक शब्दात त्यांनी पोलिसांना सुनावले.
यावेळी व्यासपीठावर गृहराज्यमंत्री शंभूराज देसाई यांच्यासह विधान परिषदेचे सभापती रामराजे नाईक-निंबाळकर, पालकमंत्री बाळासाहेब पाटील, खासदार श्रीनिवास पाटील, खासदार रणजितसिंह नाईक निंबाळकर, आमदार महेश शिंदे, जिल्हा परिषदेचे अध्यक्ष उदय कबुले, विशेष पोलीस महानिरीक्षक मनोजकुमार लोहिया, जिल्हाधिकारी शेखर सिंह, जिल्हा परिषदेचे मुख्य कार्यकारी अधिकारी विनय गौडा, पोलिस अधीक्षक अजयकुमार बन्सल, अप्पर पोलीस अधिक्षक अजित बोराडे, जिल्हा परिषदेचे उपाध्यक्ष प्रदिप विधाते, शिक्षण सभापती मानसिंग जगदाळे, आपत्ती व्यवस्थापन समिती सदस्य प्रभाकर देशमुख, सुनील माने आदी उपस्थित होते. या मान्यवरांसमोरच उपमुख्यमंत्री अजित पवार यांनी खडेबोल सुनावल्याने अधिका-यांची भांबेरी उडाली.
edited by : siddharth latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.