Ajit Pawar News: मी राजकारणातून संन्यास घेण्याचा विचार करतोय; अजित पवार असं का म्हणाले?

२०२४ मध्ये अजित पवारांचा करेक्ट कार्यक्रम होईल, असं चंद्रशेखर बावनकुळे यांनी म्हटलं होतं.
Ajit Pawar News
Ajit Pawar Newssaam tv

नागपूर : गेल्या काही दिवसांपासून विधानसभेचे विरोधीपक्षनेते अजित पवार आणि भाजपचे प्रदेशाध्यक्ष चंद्रशेखर बावनकुळे यांच्यात चांगलीच जुंपली आहे. २०२४ मध्ये अजित पवारांचा करेक्ट कार्यक्रम होईल, असं चंद्रशेखर बावनकुळे यांनी म्हटलं होतं. त्यावर उत्तर देताना अजित पवारांनी बावनकुळेंना खोचक टोला लगावला आहे. (Latest Marathi News)

Ajit Pawar News
Maharashtra Politics : मुंबई महापालिकेचा मोठा निर्णय; सर्वच पक्षांची कार्यालये केली सील, काय आहे कारण?

बावनकुळेंच्या आव्हानानंतर मी घाबरलो, मला झोप येत नाही, असा उपरोधिक टोला अजित पवारांनी लगावला आहे. इतकंच नाही तर त्यांच्या आव्हानानंतर मी राजकारणातून संन्यास घेण्याचा विचार करतोय, असा खोचक टोलाही अजित पवारांनी बानकुळेंना लगावला आहे. ते नागपुरात बोलत होते. त्यांच्या या विधानाची चांगलीच चर्चा रंगली आहे.

अजित पवारांनी हिवाळी अधिवेशनात बोलताना सत्ताधारी भाजपवर जोरदार टीका केली होती. काही महिन्यांआधी बावनकुळे यांनी बारामतीतलं राष्ट्रवादीतलं घड्याळ बंद करण्याचा इशारा दिला होता पण मनात आणलं तर तुमचाच करेक्ट कार्यक्रम करणार, असा इशारा अजितदादांनी बावनकुळे यांना दिला होता.  (Maharashtra Political News)

Ajit Pawar News
Kolhapur News : निवडणुकीत जिंकला पण जगणं मात्र हरला; २७ वर्षीय तरुणासोबत घडली भयंकर घटना

यावर उत्तर देताना 'खरंतर कुणाचा करेक्ट कार्यक्रम करायचा हे जनता ठरवते. काँग्रेस आणि राष्ट्रवादीत युती राहूनही कधी राष्ट्रवादी ७५च्या वर गेली नाही आणि ते काय करेक्ट कार्यक्रम करणार? बारामतीमध्ये हुकुमशाही, मोगलशाहीसारखा कारभार सुरू आहे.माझी एंट्री झाल्यापासून अजित पवारांना भीती वाटत आहे. म्हणून काल सभागृहात त्यांनी म्हटलं आहे की करेक्ट कार्यक्रम करू. आमचा करेक्ट कार्यक्रम करण्याची त्यांच्यात हिंमत नाही. त्यांचा केव्हा करेक्ट कार्यक्रम होईल, हे २०२४मध्ये जनता ठरवेल', असं विधान बानकुळेंनी केलं होतं.

दरम्यान, बावनकुळेंच्या या वक्तव्याबाबत पत्रकारांनी विचारणा केली असता, अजित पवारांनी उपरोधिक टोला लगावला. 'अरे बापरे, मला बावनकुळे यांच्या विधानानंतर झोपच येईना हो..हे ऐकल्यापासून आमच्या सगळ्यांची झोप हरपली आहे. चंद्रशेखर बावनकुळेंसारखा एवढा मोठा ताकदीचा नेता अशा पद्धतीने आव्हान देतोय, मी तर विचार करतोय राजकारणच सोडून द्यावं. राजकीय संन्यास घ्यावा. २०२४ मध्ये असा अपमान होण्यापेक्षा संन्यास घेतलेला बरा. सांगा त्यांना', असं अजित पवार म्हणाले.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com