Akola Crime News : एका परिचारिकेशी तीन वर्षांपासून प्रेमसंबंध ठेवत तिला लग्नाचे आमिष दाखवून तिचे लैंगिक शोषण केल्याच्या आरोपावरून सिव्हिल लाइन पोलीसांनी (civil line police station) सैन्य दलातील एका जवानावर (कलम 376) गुन्हा दाखल केला आहे. या प्रकरणाचा पाेलीस तपास करीत आहेत. (Maharashtra News)
पोलिसांनी दिलेल्या माहितीनुसार, शहरातील (akola) शासकीय रुग्णालयात परिचारिका म्हणून काम करणाऱ्या युवतीचे भारतीय सैन्यातील एका जवानासोबत प्रेमसंबंध जुळले. सैनिकाने या परिचारिकेला लग्नाचे आमिष दाखवून अनेक ठिकाणच्या हॉटेल, लॉजवर नेऊन तिच्यासोबत शारीरिक संबंध प्रस्थापित केले असे तिने तक्रारीत म्हटलं आहे.
परिचारिकेने लग्नाचा तगादा लावला असता संशियत आरोपी युवक काही कारण पुढे करायचा आणि लग्न करायचे टाळायचा. ही बाब युवतीच्या लक्षात आली. तिने लग्नासाठी त्याचा पिच्छा पुरवला. परंतु त्याने तो मी नव्हेच अशी भूमिका घेतली.
त्यानंतर युवतीने सिव्हिल लाइन पोलिस ठाण्यात धाव घेतली. युवतीच्या तक्रारीनुसार जवानावर (कलम 376) गुन्हा दाखल केला आहे. पाेलीस तपास सुरु असल्याची माहिती सिव्हिल लाइन पोलिस ठाण्यातून देण्यात आली.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
