Akola Crime News : अकोल्यातून एक धक्कादायक बातमी समोर आली आहे. मामाच्या घरी पाहुणी म्हणून आलेल्या मुलीवर अत्याचार केल्याची धक्कादायक घटना घडली आहे. या घटनेने परिसरात एकच खळबळ उडाली आहे.
मामाच्या घरी पाहुणी म्हणून आलेल्या एका 15 वर्षीय मुलीला गावातील एका मुलाने लग्नाचे आमिष दाखवून औरंगाबाद येथे पळवून नेल्याची घटना घडली आहे. तिथे तिच्यावर अत्याचार केला तसेच कुणालाही हा प्रकार सांगितल्यास जीवे मारण्याची धमकी दिली.
काही दिवसांनी हा संपूर्ण प्रकार पीडित मुलीने आपल्या कुटुंबियांना सांगितला. त्यानंतर आरोपीविरोधात पोलीस ठाण्यात दाखल करण्यात आली. पोलिसांनी आरोपीविरुद्ध गुन्हा दाखल केला असून आरोपीचा शोध सुरु आहे.
बुलढाणा येथील 15 वर्षीय अल्पवयीन मुलगी चान्नी पोलीस ठाणे अंतर्गत मामाच्या घरी आली होती. तिथेच पीडित मुलीची या मुलासोबत ओळख झाली. आरोपीने अल्पवयीन मुलीला लग्नाचे आमिष दाखवून औरंगाबाद येथे पळवून घेऊन गेला.
पीडित अल्पवयीन मुलीच्या आईने दिलेल्या तक्रारीवरून चान्नी पोलिसांनी २५ डिसेंबरला आरोपी विरुद्ध मुलीला अपहरण केल्याचा गुन्हा दाखल केला होता. याप्रकरणात मुलीला वैद्यकीय तपासणी व तिच्या जबाबावरून आरोपीविरुद्ध गुन्हा दाखल केला आहे. आरोपी सध्या फरार असून पोलीस या आरोपीचा शोध घेत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
