अंघोळ करताना काढले फोटो; महिलेसोबत ७-८ महिन्यांपासून घडत होतं भयंकर

अकोला: अकोला येथील लोहारा परिसरात संतापजनक प्रकार उघडकीस आला आहे. महिलेचे अंघोळ करताना आक्षेपार्ह फोटो काढून ते सोशल मीडियावर व्हायरल करण्याची धमकी देत आरोपीने तिच्यावर वारंवार अत्याचार केले. अखेर पीडितेने अत्याचाराला कंटाळून थेट पोलीस ठाणे गाठले. या प्रकरणी पोलिसांनी आरोपीविरोधात गुन्हा नोंदवला आहे. आरोपीला ताब्यात घेतलं आहे. (Akola Crime News)

मिळालेल्या माहितीनुसार, आरोपीने महिलेचे अंघोळ करताना काही आक्षेपार्ह फोटो काढले होते. ते फोटो सोशल मीडियावर व्हायरल करण्याची धमकी देऊन आरोपीने ३३ वर्षीय महिलेला वेगवेगळ्या ठिकाणी नेऊन तिच्यावर अत्याचार केले. ही धक्कादायक घटना उघडकीस आल्यानंतर परिसरात खळबळ उडाली आहे. या प्रकरणी उरळ पोलीस (Police) ठाण्यात आरोपीविरोधात गुन्हा दाखल करण्यात आला आहे.

या प्रकरणी पीडित महिलेने पोलीस ठाण्यात दिलेल्या तक्रारीनुसार, शिवा याच्याविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, सात ते आठ महिन्यांपूर्वी लोहारा येथील ३३ वर्षीय महिला ही घरात अंघोळ करत असताना, आरोपी तिच्या घरात घुसला.

मोबाइलमध्ये पीडितेचे फोटो काढले. ते आक्षेपार्ह फोटो सोशल मीडियावर व्हायरल करण्याची धमकी दिली. तिला चाकूचा धाक दाखवून वेगवेगळ्या ठिकाणी जबरदस्तीने नेऊन तिच्यावर अत्याचार (Rape) केले.

आरोपी हा महिलेला ब्लॅकमेल करून तिला वारंवार धमक्या देत होता. वेगवेगळ्या ठिकाणी नेत आरोपीने तिच्यावर अत्याचार केले. वारंवार होणाऱ्या अत्याचाराला ती वैतागली. अखेर पीडितेने उरळ पोलीस ठाणे गाठले. आरोपीविरोधात तिने पोलिसांत तक्रार दाखल केली. पोलिसांनी आरोपीविरोधात गुन्हा दाखल केला आहे. उरळ पोलीस ठाण्याचे अनंतराव वडतकार यांनी पोलस अधीक्षक जी श्रीधर यांच्या मार्गदर्शनाखाली तपास करून आरोपीला ताब्यात घेतले. या प्रकरणाचा पुढील तपास सुरू आहे.