अकोला : अकोल्यातील (Akola) कृषी विद्यापीठ परिसरातील मुलीच्या वसतीगृहात वेशांतर करून मुलगा शिरल्याची धक्कादायक घटना समोर आली. मुलाचं वेशांतर करून त्याला मुलींच्या वसतीगृहात घेऊन जातानाचा व्हिडिओ सोशल मीडियावर प्रचंड व्हायरल झाला. दरम्यान मुलींचे वसतिगृहच सुरक्षित नसल्याचे या व्हिडिओ वरून समोर आलंय. (Akola Girls Hostel Boy enter Viral Video)
प्राप्त माहितीनुसार, ही घटना साधारण ८ दिवसांपूर्वीची आहे. धक्कादायक बाब म्हणजे या तरुणाला वसतीगृहात नेणारं दुसरं कुणी नसून वसतीगृहातील तरुणींनीच हे कृत्य केल्याचं समोर आलंय. या सर्व प्रकाराचे तीन व्हिडिओ सोशल मीडियावर व्हायरल झाल्यानंतर ही घटना उघडकीस आली. मात्र, घटना उघडकीस येऊन सुद्धा विद्यापीठ प्रशासनाने अद्याप कोणतीही कारवाई केलेली नाही.
व्हिडिओत काय आहे?
व्हायरल झालेल्या पहिल्या व्हिडिओत मुलींचे कपडे परिधान करून एक मुलगा वसतीगृहात शिरतांना दिसत आहेत. आपल्याला कुणी ओळखू नये म्हणून या मुलाने तोंडाला स्कार्प देखील बांधला आहे. धक्कादायक बाब म्हणजे या मुलासोबत दोन मुली सुद्धा दिसत आहेत. हा मुलगा भराभर वसतीगृहाच्या पायऱ्या चढतो आणि थेट मुलींच्या रूममध्ये प्रवेश करतो.
दुसऱ्या व्हिडिओत, हा मुलगा मुलींच्या पलंगावर बसून त्यांच्यासोबत गप्पा मारताना दिसत आहेत. तिसऱ्या व्हिडिओत मुलगा परत वसतीगृहात जाताना दिसत आहे. हा धक्कादायक प्रकार उघडकीस येताच परिसरातून संताप व्यक्त केला जात आहे.
दरम्यान, मुलींच्या वसतीगृहात भरदिवसा एखादा मुलगा वेशांतर करून जातो, आणि वसतीगृह प्रशासनाला याची खबर लागत नाही हे धोकादायक असल्याचं नागरिकांनी म्हटलं आहे.संबधित प्रकार हा गंभीर असून याकडे लक्ष देण्याची मागणी या वसतिगृहात राहणाऱ्या विद्यार्थिनींनी केली आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
