अल्पवयीन मुलीवर अत्याचार करणाऱ्याला आजन्म कारावास

गुजरात येथून नेऊन तिच्यावर अत्याचार करणाऱ्या नराधमाला अकोला (Akola) सत्र न्यायालयाने विविध कलमांमध्ये आजन्म कारावासाची शिक्षा सुनावली
Akola Crime
Akola CrimeSaam tv

अकोला: अकोल्यातील अकोट फाईल पोलिस (Police) स्टेशनच्या हद्दीतील अल्पवयीन मुलीला गुजरात येथून नेऊन तिच्यावर अत्याचार करणाऱ्या नराधमाला अकोला (Akola) सत्र न्यायालयाने विविध कलमांमध्ये आजन्म कारावासाची शिक्षा सुनावली आहे. तसेच ४ लाख १० हजार रुपयांचा दंडही ठोठावला आहे. सागर रमेश शंभरकर असे आरोपीचे (Accused) नाव आहे.

हे देखील पाहा-

अकोट फाईल पोलिस (Police स्टेशनच्या हद्दीमध्ये राहणारी एक अल्पवयीन मुलगी ही ४ ऑक्टोंबर २०१६ रोजी शाळेत गेली होती. परंतु, ती शाळा सुटल्यानंतरही घरी परत आली नाही. त्यामुळे तिचा शोध सुरू असताना ती मिळून आल्याने यासंदर्भात अकोट फाईल पोलिस (Police) स्टेशन येथे तिच्या आजीने तक्रार दाखल केली होती होती. पोलिसांनी याप्रकरणी गुन्हा दाखल करीत त्यानंतर पिडीत अल्पवयीन मुलगी व आरोपी सागर रमेश शंभरकर हा ६ महिन्यांनी घरी परत आले. ते दोघेही गुजरात येथे गेले होते. त्याठिकाणी ते पतीपत्नीसारखे राहत होते, अशी माहिती पिडीतेने पोलिसांना दिली.

Akola Crime
शेअर बाजारात गुंतवणूकदारांना धक्का, 'या' 4 कारणांमुळे बुडाले 5 लाख कोटी

पोलिसांनी याप्रकरणी भादवी कलम ३६३, ३७६, ३७६ (२) (एन), पॉक्सो कायदा कलम ३, ४, ५ नुसार गुन्हा दाखल केला आहे आहे. तसेच सागर शंभरकर यास अटक देखील करण्यात आली होती. त्यानंतर पोलिसांनी तपास पूर्ण करीत न्यायप्रविष्ठ केले. न्यायालयाने यामध्ये दोन्ही पक्षांचा युक्तीवाद ऐकूण न्यायालयाने भा.द.वी. कलम ३६३ मध्ये ७ वर्षे कारावास, १० हजार रुपये दंड, दंड न भरल्यास ३ महिने अतिरिक्त शिक्षा, ३७६, ३७६(२)(एन) व पॉक्सो कायदा कलम ३,४, ५ मध्ये दोषी ठरवून आजन्म कारावासाची शिक्षा ठोठावली आहे.

विविध कलमामध्ये ४ लाख रुपये दंड व दंड न भरल्यास प्रत्येकी ६ महिन्याची अतिरिक्त शिक्षा सुनावली आहे. सरकारतर्फे एकूण ८ साक्षीदार तपासण्यात आले होते. पी. एस. आय. छाया वाघ यांनी या प्रकरणाचा तपास केला होता. सरकारतर्फे सहायक सरकारी अभियोक्ता श्रीमती मंगला पांडे व किरण खोत यांनी बाजू मांडली होती.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com