Akola News : भयंकर! नाल्याच्या काठावरील दगडाची भिंत कोसळली, अन् क्षणात होत्याचं नव्हतं झालं

नाल्याच्या काठावर असलेली प्राचीन दगडाची भिंत कोसळून दोन मजुरांचा जागीच मृत्यू झाला.
Akola Murtajapur News
Akola Murtajapur NewsSaam TV

मूर्तिजापूर : अकोला जिल्ह्यातून एक भयंकर घटना समोर आली आहे. नाल्याच्या काठावर असलेली प्राचीन दगडाची भिंत कोसळून दोन मजुरांचा जागीच मृत्यू झाला. तर एक मजूर गंभीर जखमी झाला आहे. ही दुर्देवी घटना जिल्ह्यातील मूर्तिजापूर शहरात आज (रविवार) सायंकाळच्या सुमारास घडली. (Latest Marathi News)

Akola Murtajapur News
Maharashtra Politics : ठाकरे गटाचा भाजपला सर्वात मोठा धक्का; बडा नेता लावला गळाला!

लकी लखन पचारे (वय २० वर्ष) आणि सागर नरेश सोळंखे (वय २४ वर्ष) अशी मृत्युमुखी पडलेल्या तरुणांची नावे आहेत. तर साबिर शहा मोहब्बद शहा असं जखमी तरुणाचं नाव असून त्याच्यावर रुग्णालयात उपचार सुरू आहे.

अकोला (Akola) जिल्ह्यातील मूर्तिजापुर शहरातल्या लक्कडगंज भागात एका मोठ्या नाल्याचं बांधाकाम मूर्तीजापुर नगरपालिकेच्या वतीने करण्यात येत आहे. दरम्यान आज या नाल्याचं बांधकामासाठी लकी लखन पचारे , सागर नरेश सोळंखे आणि साबिर शहा मोहब्बद शहा हे तिघे आले होते.

Akola Murtajapur News
Pune Crime : नात्याला काळीमा! काकानेच केला दोन सख्ख्या पुतणींवर बलात्कार; पुण्यातील संतापजनक घटना

सकाळपासूनच तिघांनी कामकाजाला सुरुवात केली. नाल्यात बांधकाम करत असताना अचानक काठावर असलेली दगडाची भिंत कोसळली. भिंत कोसळल्यानंतर त्याच्या मलमाखाली हे तिघेही दबल्या गेले. घटनेची माहिती मिळताच, गावकऱ्यांनी तातडीने घटनास्थळी धाव घेतली. मात्र, तोपर्यंत खूप उशीर झाला होता.

या भयंकर घटनेत २० वर्षीय लकी लखन पचारे अन् २४ वर्षीय सागर नरेश सोळंखे हे दगडाच्या भिंतीखाली दबून मरण पावले. तर साबिर शहा मोहब्बद शहा हा गंभीर जखमी झाला. त्याच्यावर रुग्णालयात उपचार सुरू आहे. या घटनेनं परिसरातून हळहळ व्यक्त केली जात आहे. याप्रकरणी मूर्तीजापूर शहर पोलिसांत (Police) आकस्मित मृत्युची नोंद करण्यात आली आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com