अकोला : मोकड्या मैदानात सर्व मुले क्रिकेट खेळत होते. याच वेळी अचानक क्रिकेट (Cricket) खेळत असलेल्‍या मुलांवर रानडुकराने हल्ला केला. या रानडुकरांच्या हल्ल्यात मदरशातील विद्यार्थ्यांसह तिघे जण जखमी झाले. (Live Marathi News)
अकोला जिल्ह्यातील बाळापुर तालुक्यातील कासारखेड परिसरातील आजमपुरा येथील मदरशातील हा प्रकार आहे. ही घटना सीसीटीव्हीमध्ये कैद झाली आहे. खुल्या मैदानात मदरशातील विद्यार्थी क्रिकेट खेळत असताना रानडुकराने १४ वर्षीय विद्यार्थी शेख सादील शेख समीर याच्यावर हल्ला करून जखमी केले. त्यांना सोडविण्यासाठी आलेल्या सै. तैसिफ सै. सादीक (वय ३०) व शेख नबी शेख महेमुद (वय ६०) यांच्यावर देखील रानडुकराने हल्ला केल्याने ते जखमी झाले.
जखमी रुग्णालयात
शेख सादील हा बाहेरगावचा विद्यार्थी मदरशात शिक्षण घेत आहे. दरम्यान मदरशातील काही विद्यार्थी क्रिकेट खेळत होते. अचानक एका रानडुकराने त्यांच्यावर हल्ला चढवला. रानडुकराच्या या हल्ल्यात अडकलेल्या विद्यार्थ्याला सोडवण्यासाठी दोघांनी तिथे धाव घेतली. मात्र रानडुकरांनी त्यांच्यावर हल्ला चढवला ते दोघेही या हल्ल्यात जखमी झाले असून त्यांच्या उपचार सुरू आहे. हा संपूर्ण प्रकार मदरशातील सीसीटीव्ही कॅमेरात कैद झाला असून याचा व्हिडिओ सोशल मीडियावर वायरल होतोय. दरम्यान जखमींवर तातडीने ग्रामीण रुग्णालयात उपचार करण्यात आले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
