Akola News: बोलणीनंतर पाच दिवसांनी मागितला हुंडा; हुंडा दिला नाही म्हणून मोडले लग्न

बोलणीनंतर पाच दिवसांनी मागितला हुंडा; हुंडा दिला नाही म्हणून मोडले लग्न
Marriage News
Marriage NewsSaam tv

अकोला : साक्षगंधानंतर हुंड्याची‎ मागणी केली. तो देण्यास मुलीचे‎ वडील असमर्थ असल्याने नवऱ्या‎ मुलाकडील मंडळीने (Marriage) लग्नास नकार‎ दिला. या प्रकरणी मुलीच्या‎ वडिलांच्या तक्रारीवरून रामदासपेठ‎ पोलिसांनी गुन्हा दाखल केला आहे.‎ (Maharashtra News)

Marriage News
Aurangabad News: वाळू माफियाने पोलिसाच्‍या अंगावर चालविले ट्रॅक्‍टर; दोन जणावर गुन्हा दाखल

मोहता मिल गोरक्षण रोड येथील‎ एका युवतीची सोयरीक नागपूर‎ येथील युवक पंकज युहुदास बेलेसोबत झाली. त्यानंतर ४ डिसेंबर‎ २०२२ ला लग्न जुळवण्याचा‎ कार्यक्रम मुलीच्या घरी ठरला होता.‎ यावेळी वर मुलगा पंकज, त्याची‎ आई शोभा, त्याच्या बहिणी,‎ मध्यस्थ भीमराव बहादुरे उपस्थित‎ होते. त्याच दिवशी मुलीचा बस्ता‎ मुलीकडचे, मुलाचा बस्ता‎ मुलाकडचे घेतील, असे ठरले होते.‎ याच दिवशी साक्षगंधही केले.

पाच दिवसांनी फोन करून हुंड्याची मागणी

लग्नाची‎ तारीख सोयीनुसार तीन -चार‎ दिवसांत कळवतो; असे सांगून‎ मुलाकडचे निघून गेले. मात्र पाच‎ दिवसानंतरही निरोप आला नाही.‎ दरम्यान हुंडा दिला‎ तर लग्न करतो, असे त्यांचे म्हणणे‎ असल्याचा आरोप तक्रारीत करण्यात आला आहे. मात्र ही‎ रक्कम देणे शक्य नसल्याने त्यांनी‎ विनवणी केली.

वर मुलासह आईवर गुन्‍हा

मात्र हुंडा‎ दिल्याशिवाय ऐकणारच नाही; असा‎ पवित्रा घेतल्याने आपण हुंडा देऊ‎ शकलो नाही. म्हणून मुलीचा विवाह‎ होऊ शकला नाही, अशी आपबिती‎ मुलीच्या वडिलाने रामदासपेठ‎ ठाण्यात सांगितली. पोलिसांनी वर‎ मुलगा पंकज व त्याची आई शोभा‎ युहुदास बेले यांच्याविरूद्ध हुंडाबंदी‎ अधिनियमा नुसार गुन्हा‎ दाखल केला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com