क्षमतेपेक्षा जादा विद्यार्थी बसविले रिक्षात; ४५ वाहनं पाेलिसांनी केली जप्त

अकोला : शाळेत जाणाऱ्या लहान मुलांची सुरक्षित वाहतूक हा दिवसेंदिवस चिंतेचा विषय होत चाललाय. ही वाहतूक अधिकाधिक सुरक्षित कशी करता येईल, याबाबत शाळेसह पालकांनी चर्चा करायला हवी. कारण अकोल्यात (akola) शाळांतील (schools) मुलांची ने-आण करण्याचे काम कित्येक ऑटो रिक्षा द्वारे सुरु आहे. मात्र या वाहनात क्षमतेपेक्षा अधिक विद्यार्थी (students) यांची वाहतुक असल्याचा प्रकार समोर आला आहे. (akola latest marathi news)

आता अशा वाहनांवर वाहतूक पोलिसांनी कारवाईची मोहीम हाती घेतली. आज (मंगळवार) क्षमतेपेक्षा जास्त विद्यार्थी वाहून नेणा-या तब्बल ४५ वाहनं पोलिसांनी जप्त केली आहेत. दरम्यान रिक्षातून होणाऱ्या विद्यार्थ्यांच्या वाहतूकीमुळे अपघात होवू नये यासाठी विद्यार्थ्यांची सुरक्षितता लक्षात घेऊन घेत वाहतूक पोलिसांचे प्रमुख विलास पाटील यांनी आज (मंगळवार) अकोला शहरात मोहीम राबविली.

यावेळी क्षमतेपेक्षा अधिक शालेय विद्यार्थी ऑटो रिक्षा चालक आपल्या वाहनात नेत असल्याचं समोर आलं. या वाहनांवर वाहतूक पोलिसांनी कडक कारवाई करत त्यांचे वाहन वाहतूक पोलिसांनी जमा केले आहेत.

तब्बल शेकडो ऑटो रिक्षांमधून दररोज विद्यार्थ्यांना शाळेत नेण्यात येते. सामान्य प्रवाशांकरिता डिझाइन केलेल्या ऑटो रिक्षामधून ही विद्यार्थ्यांना ने-आण केली जात आहे. या रिक्षांमध्ये कुठल्याही प्रकारचे लहान विद्यार्थ्यांसाठी सुरक्षा नाहीे.

Edited By : Siddharth Latkar