अलिबागमधील पीएनपी नाट्यगृहाला भीषण आग; अथक प्रयत्नानंतर आगीवर नियंत्रण

अलिबाग : अलिबागमध्ये आग लागल्याची घटना घडली आहे. अलिबागमधील पीएनपी नाट्यगृहात मोठी आग लागली आहे. सायंकाळी ५ वाजण्याचा सुमारास आग (Fire) लागली आहे. या आगीचे आणि धुरांचे लोळ आकाशात पसरले आहे. आगीच्या घटनेने परिसरात खळबळ उडाली आहे. घटनेची माहिती होताच घटनास्थळी अलिबाग (Alibaug) नगरपालिका आणि आर सी एफ बंब दाखल झाले. ( Alibaug Fire News In Marathi )

मिळालेल्या माहितीनुसार, रायगडच्या अलिबागमधील पीएनपी नाट्यगृहाला भीषण आग लागली. सांयकाळी पाच वाजण्याच्या सुमारे आग लागली. नाट्यगृहात आग लागल्याने परिसरात एकच खळबळ उडाली आहे. नाट्यगृहाच्या परिसरातील लोकांची आगीमुळे एकच धावाधाव झाली. परिसरातील लोकांनी आग विझवण्याचे प्रयत्न केले, मात्र आगीने भीषण रुप धारण केलं. त्यामुळे घटनास्थळावरील लोकांनी घटनेची माहिती अग्नीशमन दलाला दिली. त्यानंतर अलिबाग नगरपालिका व आर सी एफ बंब दाखल झाले. आगीमुळे घटनास्थळी लोकांची बघ्यांची एक गर्दी जमा झाली होती. या नाट्यगृहात वेल्डिंगचे काम सुरू असताना आग लागल्याची प्राथमिक माहिती मिळाली आहे. आग लागल्यानंतर अलिबाग नगरपालिका व आर सी एफ बंब दाखल झाले.

अलिबागमधील पीएनपी नाट्यगृहात आज कोणताही कार्यक्रम नव्हता. आज नाट्यगृहात वेल्डिंगचे काम सुरू होते. त्यावेळी भीषण आग लागली. सुदैवाने नाट्यगृहात कोणताही कार्यक्रम नसल्याने मोठी जीवितहानी टळली आहे. मात्र, या आगीत नाट्यगृहाचे मोठे नुकसान झाले आहे. घटनास्थळी अलिबाग नगरपालिका व आर सी एफ बंब दाखल होत त्यांनी आगीवर नियंत्रण मिळवण्याची माहिती मिळली आहे. त्यामुळे घटनास्थळाच्या परिसरात राहणाऱ्या लोकांची संकटातून सुटका झाली आहे.