अभिजित देशमुख, प्रतिनिधी...
Ambarnath News: अंबरनाथ मलंगगड भागात आयोजित करण्यात आलेल्या आमदार केसरी बैलगाडा शर्यतीमधून गदा चोरीला गेल्याची घटना समोर आली आहे. अंबरनाडमधील खरड गावात या बैलगाडा शर्यतींचे आयोजन करण्यात आले होते. मात्र बक्षीस वितरणाच्या दरम्यान गदा चोरीला गेल्याची माहिती समोर आली आहे.
याबाबत अधिक माहिती अशी की, मलंगगड परिसरातील खरड गावात भाजपा (BJP) आमदार गणपत गायकवाड यांच्या नावाने आमदार केसरी बैलगाडा शर्यतींचे आयोजन करण्यात आले होते. मात्र स्पर्धेच्या बक्षीस वितरणाच्या दरम्यान गदा चोरीला गेल्याची माहिती समोर आली आहे.
या चोरीनंतर आयोजकांनी चोरलेल्या गदा परत करण्याचे आवाहन केले होते. मात्र चोरटयांनी चोरलेल्या गदा परत न केल्याने आयोजकांच्या आवाहनाचा व्हिडिओ सध्या सोशल मीडियावर व्हायरल होत आहे. (Latest Marathi News)
बुधवारी मलंगगडाच्या पायथ्याशी असलेल्या खरड गावात या बैलगाडा शर्यतींचे आयोजन करण्यात आले होते. काकडवाल गावातील निलेश कान्हा पावशे यांनी या स्पर्धेचे आयोजन केले होते. यावेळी बैलगाडा शर्यतीच्या स्टेजवरून दहा ते बारा गदा चोरीला गेल्याची माहिती समोर आली आहे. या चोरीची सध्या परिसरात चांगलीच चर्चा होताना दिसत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
