Barshi Ambulance driver ends his life : बार्शी शहरात तरुणांच्या आत्महत्येचे सत्र सुरुच आहे. बुधवारी ग्रामीण रुग्णालयाच्या वैद्यकीय अधिकाऱ्याच्या क्वार्टरमध्ये बीव्हीजी कंपनीच्या १०८ या रुग्णवाहिकेच्या चालकाने गळफास घेऊन आत्महत्या केल्याची घटना घडली आहे. या घटनेमुळे ग्रामीण रुग्णालयात खळबळ उडाली आहे.
मयुर दिलीप जाधव (वय ३२ रा.सोलापूर रोड) असे आत्महत्या केलेल्या रुग्णवाहिका चालक तरुणाचे नाव आहे. या घटनेची माहिती ग्रामीण रुग्णालयाचे वैद्यकीय अधिकारी डॉ. घोंगडे यांनी बार्शी शहर पोलिसांना दिली. ही घटना २४ मे रोजी सायंकाळी साडेसात वाजण्यापूर्वी घडली.
गेल्या एक महिन्यांपासून शहरात तरुणांच्या गळफास घेऊन आत्महत्या करण्याच्या अनेक घटना घडल्या आहेत. पोलिस ठाण्यातील नोंदींवरुन ही संख्या वाढल्याचे दिसत आहे. त्यामुळे तरुण नेमके कोणत्या कारणामुळे आत्महत्या करीत आहेत याची चर्चा सुरु आहे.
मिळालेल्या माहितीनुसार मयूर जाधव बुधवारी सायंकाळी ग्रामीण रुग्णालयामध्ये आला होता. त्याने वैद्यकीय अधिकाऱ्याकडे फ्रेश होण्यासाठी क्वार्टरची चावी मागितली. डॉ. रुग्णालयात रुग्णांची तपासणी करीत होते त्यामुळे त्यांनी मयूरला क्वार्टरची चावी दिली. यानंतर तो कॉर्टरमध्ये गेला आणि तिथे त्याने गळफास घेऊन आत्महत्या केली. (Breaking News)
मयूर जाधव याचा मृतदेह ग्रामीण रुग्णालयात डॉ. शीतल बोपलकर यांनी शवविच्छेदन केल्यानंतर नातेवाईकांच्या ताब्यात देण्यात आला आहे. त्याच्या पश्चात पत्नी, एक मुलगा आणि एक मुलगी असा परिवार आहे. या प्रकरणाचा सविस्तर तपास पोलीस हवालदार सोमनाथ जगताप करीत आहेत. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
