Amol Mitkari: राष्ट्रवादीचे आमदार अमोल यांनी खासदार होण्याची इच्छा व्यक्त केली आहे. त्यांनी एक ट्विट करून आगामी लोकसभा निवडणूक लढवण्यासाठी इच्छुक असल्याचे जाहीर केले आहे. पक्षाने संधी दिल्यास भाजपविरुद्ध अकोला लोकसभा मतदारसंघात निवडणूक लढवणार असे मिटकरी यांनी या ट्वीटमध्ये म्हटले आहे.
अमोल मिटकरी राज्य सरकार आणि भाजपसह शिवसेनेवर टीका करत असतात. अनेकदा त्यांनी पत्रकारांना दिलेल्या उत्तरातून तर कधी सोशल मीडियातून शिंदे-फडणवीस सरकारवर निशाणा साधला आहे. आता त्यांनी अकोल्यातून लोकसभा लढवण्याची इच्छा व्यक्त केली आहे. तसेच यासाठी पुढील दिशा लवकरच ठरवणार असल्याचे देखील म्हटले आहे.
अमोल मिटकरी म्हणाले "माझ्या पक्षाने संधी दिल्यास भाजप विरुद्ध अकोला लोकसभा मतदारसंघ मी लढवणार ! सध्या अकोला जिल्हा भ्रष्टाचार ग्रस्त व भाजपच्या मस्तीखोर राजकारणाने त्रस्त झाला आहे. या विरुद्ध मी लढायला तयार आहे. लवकरच पवार साहेबांची भेट घेऊन पुढची दिशा ठरवणार. भाजपला चोपायची ही संधी मला सोडायची नाही" (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
